TSPSC: తెలంగాణ గ్రూప్‌ 4 పరీక్షలో కేటగిరీలవారీగా పాసైన అభ్యర్థులు.. ఆరోజే నియామక పత్రాలు జారీ..
180895 టాలీవుడ్ సూపర్ స్టార్ మహేష్ బాబు ప్రస్తుతం కొరటాల శివ దర్శకత్వంలో భరత్ అను నేను సినిమా చేస్తోన్న సంగతి తెలిసిందే. చివరిగా భారీ అంచనాల మధ్య వచ్చిన స్పైడర్ సినిమా డిజాష్టర్ అవడంతో ఎలాగైనా ఈ సినిమాతో సూపర్ హిట్ అందుకుని మళ్లీ తన అభిమానులకు, తననే నమ్ముకున్న డిస్ట్రిబ్యూటర్స్, నిర్మాతలకు ఆనందాన్ని పంచి ఇవ్వాలని భావిస్తున్న మహేష్ బాబు అందుకోసం భరత్ అను నేను సినిమాను ఇంకొంచెం కసితోనే చేస్తున్నాడు. స్పైడర్ సినిమానే కాదు.. ఏ సినిమా జయాపజయాలకైనా ఎన్నో కారణాలు దోహదపడతాయని ప్రత్యేకంగా చెప్పుకోవాల్సిన అవసరం లేదు. అయితే, స్పైడర్ నేర్పిన పాఠాన్ని బాగా చదువుకున్న మహేష్ బాబు ప్రస్తుతం పవన్ కల్యాణ్ విషయంలో జరుగుతున్న ఓ ప్రచారంపై దృష్టిసారించినట్టు ఓ టాక్ వినిపిస్తోంది.
అజ్ఞాతవాసి సినిమాతో ఆ సినిమాను కొనుగోలు చేసిన బయ్యర్లు, డిస్ట్రిబ్యూటర్స్ బాగా నష్టపోవాల్సి రావడంతో పవర్ స్టార్ తాను సినిమా కోసం తీసుకున్న పారితోషికాన్ని తిరిగి ఇచ్చేసినట్టు జరుగుతున్న ప్రచారంపై మహేష్ బాబు దృష్టిసారించారనేది ఆ టాక్ సారాంశం. అసలు అజ్ఞాతవాసి నష్టపోయింది ఎంత ? ఏ నిష్పత్తిలో పవన్ తన పారితోషికాన్ని తిరిగి ఇచ్చేశారు అని ఆరా తీస్తున్నారట మహేష్ బాబు. అయితే, పవర్ స్టార్ ఏం చేస్తే, మహేష్ బాబుకి ఏం అవసరం వుంటుందంటున్న ఇంకొంతమంది.. ఈ ప్రచారంలో నిజం లేదని కొట్టిపారేస్తున్నారు.
పవన్ పారితోషికం గురించి మహేష్ ఆరా ?
