Oscars 2023 Live Updates: ఆస్కార్ 2023 వేడుకలకు సర్వం సిద్ధమైంది. భారత కాలమానం ప్రకారం సోమవారం ఉదయం నుంచి సాయంత్రం వరకు ఈ వేడుక అంగరంగ వైభవంగా జరగనుంది. అమెరికా లాస్ ఏంజిల్స్‌లోని డోల్బీ థియేటర్ వేదికగా జరిగే ఈ వేడుక కోసం ప్రపంచవ్యాప్తంగా ఉన్న సినీతారలు ఇప్పటికే అక్కడికి చేరుకున్నారు. ఈ వేడుక  ఏబీసీలో లైవ్ స్ట్రీమింగ్ కానుంది. ఆస్కార్ అవార్డు వేడుకను ప్రముఖ కమెడియన్ జిమ్మీ కిమ్మెల్ హోస్ట్ చేయనున్నారు. ఆస్కార్ రేసులో ఆర్ఆర్ఆర్ నుంచి నాటు నాటు సాంగ్ పోటీ పడుతుండడంతో సర్వత్రా ఉత్కంఠ నెలకొంది. మరో రెండు భారతీయ డాక్యుమెంటరీలు కూడా ఈ ఏడాది ఆస్కార్ నామినేషన్స్‌లోకి వచ్చాయి.