Taraka Ratna Health Update by Vijay Sai Reddy : నీరు చేరి తారక రత్న మెదడు వాచింది.. బాలకృష్ణకు ప్రత్యేక కృతజ్ఞతలు తెలిపిన విజయసాయి రెడ్డి

Taraka Ratna Health Live Updates: నందమూరి తారకరత్న నారా లోకేష్ పాద యాత్రలో గుండెపోటుకు గురైన క్రమంలో ఆయనకు ప్రస్తుతం ఎక్మో ట్రీట్మెంట్ ద్వారా శ్వాసను కృత్రిమంగా అందిస్తున్నారని తెలుస్తోంది. తారకరత్న  గుండెలో దాదాపు 95 శాతం బ్లాక్ అయిందని, మొత్తంగా గుండె పని చేయడం లేదని తెలుస్తోంది. గుండెలో దాదాపు 95 శాతం బ్లాక్స్ ఉండటంతో ఎక్మో ద్వారా శరీర భాగాలకు రక్తం, ఆక్సిజన్‌ను సరఫరా చేస్తున్నారని సమాచారం. తారకరత్నకు ప్రస్తుతం బెంగళూరులోని నారాయణ హాస్పిటల్‌లో చికిత్స అందిస్తున్నారు. నిన్న సాయంత్రం వరకు ఆయనకు కుప్పంలోని హాస్పిటల్‌లోనే చికిత్సను అందించగా తరువాత పరిస్థితి అత్యంత విషమంగా మారిందని, బెంగళూరుకు తరలిస్తున్నారని తెలిసింది. అయితే తరువాత వద్దనుకున్నా చివరికి ఈ తెల్లవారు జమున ఆయనను బెంగళూరుకు తరలించారు.