రామ్ గోపాల్ వర్మ మొదటి చిత్రం "శివ" చిత్రం ఎన్ని రికార్డులు తిరగరాసిందో చెప్పక్కర్లేదు. అదే సినిమా అక్కినేని నాగార్జున సినీ జీవితాన్ని కూడా తిరగరాసింది. అలాగే తెలుగు సినీ చరిత్ర పేజీల్లో తనకుంటూ ఒక అధ్యాయాన్ని తయారుచేసుకున్న సినిమా అది. ఈ విషయాన్ని పక్కన పెడితే, గత కొన్ని నెలలుగా కొన్ని పుకార్లు సోషల్ మీడియాలో హల్ చల్ చేయడం ప్రారంభించాయి. రామ్ గోపాల్ వర్మ, నాగార్జున కాంబినేషన్‌లో ఓ చిత్రం తెరకెక్కబోతుందని, అది కూడా శివ సినిమా రేంజ్‌లోనే ఉంటుందని కొన్ని వార్తలు వచ్చాయి. ఇదే విషయంపై వర్మ తన ఫేస్ బుక్ పేజీ ద్వారా వివరణ ఇచ్చాడు."25 ఏళ్ళ తర్వాత నాగ్‌తో ఓ చిత్రం చేయబోతున్నాను. ఆ సినిమా శివ స్థాయిలోనే ఉంటుందని కొన్ని వార్తలు వస్తున్నాయి. కాని నేను నాగ్‌తో భవిష్యత్తులో చేసే చిత్రం.. శివ సినిమాకు కాని, స్టోరీకి కాని ఏ మాత్రం పోలికలు లేకుండా ఉంటుంది" అన్నాడు వర్మ. తాను దర్శకత్వం వహించే చిత్రం రియలిస్టిక్ యాక్షన్ ఎంటర్ టైనర్ అని వర్మ స్పష్టంగా పోస్టు చేశారు.
