Young Boy Beaten up by her Girl Friend's Relatives: తమ కుమార్తెను ప్రేమిస్తున్న ఒక యువకుడికి విషపదార్థం తినిపించి చంపింది ఒక కుటుంబం. సంచలనం రేపుతున్న ఈ ఘటన హర్యానాలో చోటు చేసుకుంది. హర్యానాలోని భివానీలోని బహల్ ప్రాంతంలోని ఓ గ్రామంలో ప్రియురాలిని కలిసేందుకు వెళ్లిన ఓ యువకుడికి బలవంతంగా విషపదార్థం తినిపించిన ఉదంతం తాజాగా వెలుగులోకి వచ్చింది. భివానీలోని సివిల్ ఆసుపత్రిలో చికిత్స పొందుతూ ఆదివారం రాత్రి ప్లే యువకుడు మృతి చెందాడు.
మృతుడు మహేంద్రగఢ్ జిల్లాలోని జాద్వా గ్రామ నివాసి కాగా, బహల్ ప్రాంతంలోని తన ప్రియురాలిని కలిసేందుకు బైక్‌పై వచ్చాడని తెలిసింది. ప్రస్తుతం బహల్ పోలీసులు మృతుడి బంధువులు వాంగ్మూలం నమోదు చేసి సివిల్ ఆస్పత్రిలో మృతదేహానికి పోస్టుమార్టం నిర్వహిస్తున్నారు. మృతుడి కుటుంబ సభ్యులు తెలిపిన వివరాల ప్రకారం.. మహేంద్రగఢ్ జిల్లా జడ్వా గ్రామానికి చెందిన 20 ఏళ్ల ఆశిష్ 12వ తరగతి చదివి ఉద్యోగం కోసం ప్రయత్నిస్తున్నాడు.
బహల్ ప్రాంతంలోని ఓ గ్రామానికి చెందిన ఓ అమ్మాయితో తనకు పరిచయం ఉందని చెప్పాడని, మహేంద్రగఢ్ జిల్లాలోని ఓ గ్రామంలో అమ్మాయి అత్తకు వివాహం జరగడంతో అతను కూడా అక్కడికి వెళ్లాల్సి వచ్చింది. ఆదివారం సాయంత్రం ఓ బైక్‌ తీసుకుని అక్కడికి వెళ్లిపోయాడని బంధువులు ఆరోపిస్తున్నారు. అతనికి ఆ అమ్మాయి నుంచి మెసేజ్ వచ్చిందని, అందుకే వెళ్లాడని అంటున్నారు. అనంతరం స్వగ్రామానికి చేరుకున్న బాలిక బంధువులు అతడిని కొట్టి, బలవంతంగా విషం తినిపించారని అంటున్నారు.
ఆ తరువాత అతన్ని మొదట బహల్‌కు తీసుకెళ్లారు, ఆ తర్వాత అతన్ని భివానీ సివిల్ హాస్పిటల్‌కు తీసుకువచ్చారని అంటున్నారు. దీంతో సమాచారం అందుకున్న అతని బంధువులు ఆస్పత్రికి చేరుకోగా యువకుడు ఈ విషయాలన్నీ చెప్పాడు. ఆ తర్వాత చికిత్స పొందుతూ ఆదివారం రాత్రి యువకుడు మృతి చెందాడు. మరోవైపు, సివిల్ ఆసుపత్రిలో చికిత్స పొందుతూ యువకుడు మృతి చెందడంపై బహ్ల్ పోలీస్ స్టేషన్ విచారణ అధికారి ఎస్‌ఐ రాజేంద్ర సింగ్‌కు సమాచారం అందించారు. అనంతరం మృతదేహాన్ని స్వాధీనం చేసుకుని పోస్టుమార్టం నిర్వహించారు. మృతుడి బంధువులు తెలిపిన వివరాల ప్రకారం.. మృతుడు ఆశిష్ తల్లిదండ్రులకు ఒక్కడే కుమారుడు కాగా, అతనికి వివాహమైన అక్క కూడా ఉంది.
Also Read: Navjot Singh Sidhu: 34 కిలోల బరువు తగ్గిన సిద్ధూ.. జైల్లో సిద్ధూ ఏం పని చేస్తున్నాడో తెలుసా ?
Also Read: Obscene Profiles: అమ్మను తిట్టారని మైనర్ ఘాతుకం.. అక్కా చెల్లెళ్ల ఫొటోలతో రెచ్చిపోయి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
