சிங்கப்பூர் ஜலசந்தி வழியாக சென்ற கப்பலில் இருந்து காணாமல் போன இந்தியப் பெண்மணி!

சிங்கப்பூர்: மலேசியாவின் தீபகற்பத் தீவு மாநிலமான பினாங்கிலிருந்து சிங்கப்பூர் ஜலசந்தி வழியாகச் சென்ற பயணக் கப்பலில் இருந்த 64 வயது இந்தியப் பெண் காணாமல் போனார். திங்களன்று ரீட்டா சஹானி மற்றும் அவரது கணவர் ஜாகேஷ் சஹானி ஆகியோர் ஸ்பெக்ட்ரம் ஆஃப் சீஸ் என்ற கப்பலில் பினாங்கில் இருந்து சிங்கப்பூர் திரும்பும் வழியில் இந்தச் சம்பவம் நடந்ததாக பதிவாகியுள்ளது. திங்கள்கிழமை தம்பதியரின் நான்கு நாள் பயணத்தின் கடைசி நாளாகவும் இருந்ததாக தகவல்கள் தெரிவிக்கின்றன.

செவ்வாயன்று தி ஸ்ட்ரெய்ட்ஸ் டைம்ஸின் அறிக்கையின்படி, 70 வயதான ஜாகேஷ், தனது மனைவியை தங்கள் அறையில் இருந்து காணவில்லை என்பதை உணர்ந்தவுடன், தனது மனைவியை பரந்து விரிந்த பயணக் கப்பலில் கண்டுபிடிக்க முயன்றார், ஆனால் பலனில்லை. பின்னர் அவர் கப்பலின் பணியாளர்களுக்கு தகவல் தெரிவித்தார். கப்பலில் இருந்து சிங்கப்பூர் ஜலசந்தியில் ஏதோ விழுந்ததாக கப்பலின் மேல் பொருந்தப்பட்டுள்ள கண்காணிப்பு அமைப்புகள் எச்சரிக்கப்பட்டதாகக் கூறினார். இது மலாக்கா ஜலசந்தி மற்றும் தென் சீனக் கடல் பகுதிக்கு இடையே  சிங்கபூரின் வடக்கே அமைந்துள்ள 113 கிமீ நீளமும் 19 கிமீ அகலமும் கொண்ட பரபரப்பான கப்பல் பாதையாகும்.

ஜாகேஷின் மகன் அபூர்வ் சஹானி, தனது தாயின் தற்போதைய நிலை குறித்து அவரது குடும்ப உறுப்பினர்களுக்கு இன்னும் தகவல் ஏதும் இல்லை என கூறினார். அவரது மகன் பெற்றோருடன் பயணிக்கவில்லை என்பது குறிப்பிடத்தக்கது. 39 வயதான கட்டிடக் கலைஞரான அவரது மகன் ஜாகேஷ், தனது தாயாருக்கு நீந்தத் தெரியாது என்றும், அவரது தந்தை சில மணிநேரம் காவல் துறையுடன்  பேசி தகவல்களை அளித்ததாக கூறினார். நாங்கள் சிசிடிவி காட்சிகளைப் பார்க்கச் சொன்னோம், ஆனால், இதுவரை கடலில் விழுந்தது அம்மா தானா என்பதை உறுதிப்படுத்த இதுவரை எங்களுக்கு எதுவும் கிடைக்கவில்லை. எனது தாய் தண்ணீரில் குதித்ததாக கப்பலின் பணியாளர்கள் நினைக்கிறார்கள். ஆனால், என அம்மா எங்கோ கப்பலில் தான் இருக்கிறார் என்று நாங்கள் நம்புகிறோம் என்றார்.

மேலும் படிக்க | பாகிஸ்தானில் மனித குண்டுவெடிப்பு தாக்குதல்... 42 பேர் பலி - பின்னணி என்ன?

இறுதியில், எனது தந்தையை கப்பலில் இருந்து கீழே இறங்கச் சொன்னார்கள், ஏனென்றால் மற்றொரு கப்பல் பயணம் நடக்கவிருக்கிறது, ஆனால் அவள் இன்னும் கப்பலில் இருக்கலாம் என்று நாங்கள் நினைக்கிறோம், எங்காவது சிக்கிக்கொண்டிருக்கிறாரோ என தாங்கள் சந்தேகப்படுவதாக அபூர்வ் மேலும் கூறினார். தனது தாய் சந்தோஷமாக விடுமுறையை கழிக்க வந்திருந்தார் என அவரது மகன் குறிப்பிட்டார்.  இதற்கிடையில், சிங்கப்பூர் கடல்சார் மற்றும் துறைமுக ஆணையம் (எம்பிஏ) திங்களன்று வெளியிட்ட ஒரு அறிக்கையில், சம்பவம் குறித்து சிங்கப்பூர் கடல்சார் மீட்பு ஒருங்கிணைப்பு மையத்திற்கு (எம்ஆர்சிசி) காலை 7.50 மணியளவில் அறிவிக்கப்பட்டதாக கூறியுள்ளது. பயணி சைப்ரஸ் கொடியிடப்பட்ட ஸ்பெக்ட்ரம் ஆஃப் தி சீஸ் கப்பலில் இருந்த போது கப்பலில் இருந்து விழுந்தார் என அதில் குறிப்பிடப்பட்டுள்ளது.  மேலும் விவரங்கள் எதுவும் வழங்கப்படவில்லை.

MRCC சிங்கப்பூர் தேடுதலை ஒருங்கிணைத்து, உடனடியாக சிங்கப்பூர் ஜலசந்தியில் உள்ள கப்பல்கள் மற்றும் துறைமுகத்தில் உள்ள கப்பல்களுக்கு ஊடுருவல் பாதுகாப்பு ஒளிபரப்பை வழங்கியது, காணாமல் போன நபரைக் கண்காணிக்கவும், MRCC சிங்கப்பூருக்கு புகாரளிக்கவும். விசாரணை மேற்கொள்ள முன்னதாகவே கப்பல் சிங்கப்பூரில் நிறுத்தப்பட்டு, மாலை 4.30 மணியளவில் புறப்பட்டுச் சென்றதாக அது மேலும் கூறியது. கடல் கண்காணிப்பு இணையதளமான மரைன் ட்ராஃபிக் சோதனையில் அது தற்போது வியட்நாமில் உள்ள Nha Trangக்கு செல்கிறது என்பதைக் காட்டுகிறது.

கப்பலை இயக்கும் ராயல் கரீபியனின் செய்தித் தொடர்பாளர், சம்பவம் உடனடியாக உள்ளூர் அதிகாரிகளுக்கு தெரிவிக்கப்பட்டது என்றார். விருந்தினர் மற்றும் அவர்களது குடும்பத்தினரின் தனியுரிமையை மேற்கோள் காட்டி மேலும் கருத்து தெரிவிக்க நிறுவனம் மறுத்துவிட்டது. ஆனால் அதன் குழு அவர்களுக்கு ஆதரவையும் உதவியையும் வழங்குவதாகக் கூறியது.

குரூஸ் ட்ராக்கிங் இணையதளமான க்ரூஸ்மேப்பரின் கூற்றுப்படி, ஸ்பெக்ட்ரம் ஆஃப் தி சீஸ் குவாண்டம்-அல்ட்ரா வகுப்பைச் சேர்ந்த முதல் ராயல் கரீபியன் பயணக் கப்பல் ஆகும். இது குவாண்டம்-வகுப்பின் பெரிய மற்றும் மேம்படுத்தப்பட்ட பதிப்பாகும். இது 2,137 ஸ்டேட்ரூம்களைக் கொண்டுள்ளது மற்றும் 16 தளங்கள், 18 சாப்பாட்டு விருப்பங்கள், நான்கு நீச்சல் குளங்கள் மற்றும் 10 வெளிப்புற ஜக்குஸிகளுடன் 4,819 பயணிகள் இதில் பயணிக்க முடியும். 

 மேலும் படிக்க | ஒரு கொடிக்கு ரூ. 40 கோடியா... ஏற்கெனவே கடன் பிரச்னை - பந்தா காட்டுகிறதா பாகிஸ்தான்!

மேலும் படிக்க | Worlds biggest cemetery: அமைதியின் பள்ளத்தாக்கு மயானம்! உலகிலேயே மிகப் பெரிய இடுகாடு

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ