Samsung Galaxy: சாம்சங் தனது புதிய முதன்மைத் தொடரான சாம்சங் கேலக்ஸி எஸ்25 ஐ அறிமுகப்படுத்தியுள்ளது. இந்தத் தொடரில் மூன்று போன்கள் உள்ளன - கேலக்ஸி எஸ்25, கேலக்ஸி எஸ்25+ மற்றும் கேலக்ஸி எஸ்25 அல்ட்ரா. இது தவிர, சாம்சங் ஒரு புதிய ஸ்லிம் மாறுபாடான சாம்சங் கேலக்ஸி S25 எட்ஜையும் டீஸ் செய்துள்ளது. இது ஒரு ஃப்ளாட் வடிவமைப்பு மற்றும் இரண்டு பின்புற கேமராக்களைக் கொண்டிருக்கும். இருப்பினும், எட்ஜ் மாறுபாட்டின் பிற விவரங்கள் இன்னும் வெளியிடப்படவில்லை.
Samsung Galaxy S25 தொடர்: விலை மற்றும் அம்சங்கள்
இந்தத் தொடரின் ஆரம்ப விலை ரூ.80,999. இந்தப் புதிய தொடர் அதன் முந்தைய வகைகளை விட பல மேம்பட்ட அம்சங்களுடன் வருகிறது. இதில் மிகவும் சிறப்பு வாய்ந்த அம்சம் கேலக்ஸி AI ஆகும். இந்தத் தொடரில் முதல் முறையாக, கூகிளின் ஜெமினி AI அசிஸ்டண்ட் டீஃபாள்டாக ஒருங்கிணைக்கப்பட்டுள்ளது. இது முன்னர் கூகிள் தொலைபேசிகளுக்கு மட்டுமே இருந்தது குறிப்பிடத்தக்கது.
Samsung Galaxy S25 தொடரின் AI அம்சங்கள்
ஜெமினி AI அசிஸ்டண்ட் (Gemini AI Assistant): கூகிளின் ஜெமினி AI முதல் முறையாக சாம்சங் போன்களில் டீஃபால்ட் அசிஸ்டண்டாகக் கொண்டுவரப்பட்டுள்ளது. இது யூடியூப், கூகிள் மேப்ஸ், ஜிமெயில் மற்றும் ஸ்பாடிஃபை போன்ற பயன்பாடுகளில் பல பணிகளை எளிதாகச் செய்ய பயனர்களுக்கு உதவுகிறது. இது இப்போது காலண்டர், குறிப்புகள், நினைவூட்டல் மற்றும் கடிகாரம் போன்ற சாம்சங்கின் பயன்பாடுகளுடன் ஒருங்கிணைக்கப்பட்டுள்ளது. உதாரணமாக, உங்களுக்கு அதிக புரதம் கொண்ட மதிய உணவு யோசனைகள் தேவைப்பட்டால், நீங்கள் ஜெமினியிடம் கேட்டு, நேரடியாக சாம்சங் குறிப்புகள் அல்லது கூகிள் கீப்பில் ரெசிபியை சேவ் செய்துகொள்ளலாம். இதைப் பயன்படுத்த, தொலைபேசியின் பக்கவாட்டு பொத்தானை நீண்ட நேரம் அழுத்த வேண்டும்.
ஜெமினி லைவ் (Gemini Live): ஜெமினி லைவ் இப்போது இன்னும் மேம்பட்டதாகிவிட்டது. இது பயனர்களுக்கு இயல்பான மற்றும் சுதந்திரமான உரையாடல் அனுபவத்தை வழங்குகிறது. உரையாடல்களின் போது படங்கள், கோப்புகள் மற்றும் YouTube வீடியோக்களையும் நீங்கள் சேர்க்கலாம். இந்த அம்சம் Samsung Galaxy S24 மற்றும் S25 தொடர்களிலும், Pixel 9 சாதனங்களிலும் கிடைக்கும். இது தவிர, கூகிள் விரைவில் ஸ்கிரீன் ஷேரிங் மற்றும் லைவ் வீடியோ ஸ்ட்ரீமிங் போன்ற ப்ராஜெக்ட் அஸ்ட்ரா அம்சங்களை ஜெமினி செயலியில் கொண்டு வர உள்ளது.
சர்கிள் டு சர்ச் (Circle to Search): இந்த கூகிள் AI அம்சம் முதலில் கேலக்ஸி S24 தொடரில் அறிமுகப்படுத்தப்பட்டது. புதிய தொடரில் இது இன்னும் சிறப்பாக செய்யப்பட்டுள்ளது. இப்போது இந்த அம்சம் தொலைபேசி எண்கள், மின்னஞ்சல் முகவரிகள் மற்றும் URLகளை தானாகவே அடையாளம் காணும். கூடுதலாக, AI கண்ணோட்டம் மேம்படுத்தப்பட்டுள்ளது. இது பயனர்கள் இருப்பிடங்கள், கலைப்படைப்புகள் அல்லது பொருட்களின் படங்களைத் தேட உதவுகிறது.
பர்சனல் அசிஸ்டண்ட் Briefs: ப்ரீஃப்ஸ் என்பது தனிப்பயனாக்கப்பட்ட தினசரி நடப்புச்சுருக்கங்களை வழங்கும் ஒரு தனித்துவமான கருவியாகும். காலையில் வானிலை அறிவிப்புகள், நாள் திட்டமிடல் மற்றும் உங்கள் சாம்சங் வேரபிள்சின் எனர்ஜி ஸ்கோர் ஆகியவற்றை இதன் மூலம் பெறலாம். நீங்கள் பயணம் செய்யும்போது இது தானாகவே நேவிகேஷனை இயக்கி பாடல்களையும் ப்ளே செய்யும். மாலையில் இது முழு நாளின் முக்கிய செயல்பாடுகளின் சுருக்கத்தையும் புகைப்படத் தொகுப்பையும் காட்டுகிறது.
Samsung Galaxy S25: முன்பதிவு எப்போது தொடங்கும்?
சாம்சங் கேலக்ஸி S25 தொடருக்கான ப்ரீ-ஆர்டர்கள் ஜனவரி 23, 2025 முதல் தொடங்கியுள்ளன. இந்த சாதனங்கள் பிப்ரவரி 7, 2025 முதல் ஆன்லைன் மற்றும் ஆஃப்லைன் சில்லறை விற்பனையாளர்களிடமும், சாம்சங்கின் அதிகாரப்பூர்வ வலைத்தளத்திலும் கிடைக்கும்.
மேலும் படிக்க | Poco 5G ஸ்மார்ட்போனை வெறும் ரூ.899 -இல் வாங்குவது எப்படி?
மேலும் படிக்க | இனி ரீசார்ஜ் செய்யவில்லை என்றாலும் இத்தனை நாட்கள் சிம் ஆக்டிவாக இருக்கும்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
