Tamil Nadu Crime News: காஞ்சிபுரம் மாவட்டம் பல்லவர்மேடு பகுதியைச் சேர்ந்த கிரிதரன் கடந்த 6 மாதங்களாக காணாமல் போனதாக போலீசார் வழக்குப்பதிவு செய்துள்ளனர். இந்நிலையில் அவரை அவரது நண்பர்கள் கொலை செய்துவிட்டு கிணற்றில் வீசியது தற்போது வெளிச்சத்துக்கு வந்துள்ளது.
நிலுவையில் பல்வேறு வழக்குகள்
காஞ்சிபுரத்தில் பிரபல ரவுடியாக வலம் வந்து, பின்னர் கம்போடியாவில் கடந்த சில ஆண்டுகளுக்கு முன் தற்கொலை செய்துகொண்டவர் தான் பிரபல தாதா ஸ்ரீதர் தனபால். இவரது மூத்த அக்கா பாக்கியத்தின் உறவுக்கார மகன் தான் பல்லவர்மேடு பகுதியை சேர்ந்த கிரிதரன். இவர் மீது பல்வேறு காவல் நிலையங்களில் அடிதடி உள்ளிட்ட 6 வழக்குகள் நிலுவையில் உள்ளன.
இந்த நிலையில் தனது நண்பர்கள் சிலருடன் சேர்ந்து கடந்த ஜனவரி மாதம் 13ஆம் தேதி புதுப்பாளையம் பகுதியில் உள்ள ஒரு பாழடைந்த வீட்டின் பின்புறத்தில் உள்ள கிணற்றின் அருகே மது அருந்தியுள்ளார் கிரிதரன். அப்போது நண்பர்களுடன் யார் பெரியவர் என்ற வாக்குவாதம் ஏற்பட்டுள்ளது. இதில் ஆத்திரமடைந்த நண்பர்கள் கிரிதரனை கொலை செய்துவிட்டு அவரது உடலை கல்லில் கட்டி கிணற்றில் வீசியுள்ளனர்.
மேலும் படிக்க | வீட்டின் கதவை உடைத்து ரூ.25 லட்சம் பணம் கொள்ளை
போதையில் உளறல்
மேலும் அடுத்தடுத்த சில நாட்களில் கிரிதரனின் உடல் மேலே வராத வண்ணம் அங்குள்ள மரங்களையும் வெட்டி கிணற்றுக்குள் போட்டுள்ளனர். இந்த நிலையில் தனது தம்பி கிரிதரனை காணவில்லையென அவரது அக்கா கிரிஜா சிவகாஞ்சி காவல் நிலையத்தில் கடந்த பிப்ரவரி மாதம் புகார் கொடுத்துள்ளார்.
இந்நிலையில் கிரிதரனுடன் மது அருந்திய நண்பர்கள் சிலர் கஞ்சா மற்றும் குடிபோதையில் கிரிதரனை கொலை செய்து கயிற்றால் கட்டி கிணற்றில் வீசியதாக உளறியுள்ளனர். இந்த தகவல் எப்படியோ பரவி போலீசாருக்கும் தெரிந்துள்ளது. இதை அறிந்த சிவகாஞ்சி காவல் நிலைய போலீசார் அக்கிணற்றில் தீயணைப்புத்துறை மற்றும் வருவாய்த்துறையினரின் உதவியுடன் தேடிய போது கிரிதரனின் மண்டைஓடு மற்றும் எலும்புக்கள் கிடைத்தன.
4 பேர் கைது
இதுதொடர்பாக காவல்துறையினர் அதே பல்லவர்மேடு பகுதியை சேர்ந்த கிரிதரனின் நண்பர்களான தாமோதரன், ஆகாஷ், கார்த்தி, ஹரிஷ் ஆகிய 4 பேரையும் கைது செய்துள்ளனர். இவ்வழக்கு தொடர்பாக காவல்துறையினர் மேலும் சிலரிடமும் விசாரணை மேற்கொண்டு வருகின்றனர். போதையில் உடன் பழகிய நண்பரை சக நண்பர்களே கொலை செய்துள்ள சம்பவம் அதிர்ச்சியை ஏற்படுத்தியுள்ளது. கிட்டதட்ட ஆறு மாதங்களாக அதனை மறைத்தும் உள்ளனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
