தோனி எனக்கு அனுப்பிய மெசேஜ் இது தான் - விராட் கோலி!

இந்திய அணியின் நட்சத்திர பேட்டர் விராட் கோலி தற்போது நடைபெற்று வரும் டி20 உலகக் கோப்பையில் மூன்று அரை சதங்களை பதிவு செய்து சிறப்பான ஆட்டத்தை வெளிப்படுத்தி வருகிறார். அவர் பாகிஸ்தானுக்கு எதிராக 82 ரன்கள் எடுத்து, இந்தியாவை அசாத்தியமான வெற்றிக்கு வழிநடத்தினார். இருப்பினும், இந்த ஆண்டின் தொடக்கத்தில் கோஹ்லி தனது கிரிக்கெட் வாழ்க்கையில் மிகவும் மோசமான நாட்களை சந்தித்தார்.  கிரிக்கெட்டில் பல சாதனைகள் புரிந்த கோலிக்கு ரன்கள் அடிப்பதே மிகவும் சிரமமாக இருந்தது.  இந்த ஆண்டு நடைபெற்ற ஆசிய கோப்பையின் போது, ​​ஜனவரி மாதம் டெஸ்ட் கேப்டன் பதவியில் இருந்து நான் விலகியபோது, ​​தனக்கு ஆறுதல் அளித்து மெசேஜ் அனுப்பிய ஒரே நபர் எம்எஸ் தோனி மட்டுமே என்று கோஹ்லி தெரிவித்திருந்தார்.

மேலும் படிக்க | இந்த 5 வீரர்களுக்காக அடித்துக்கொள்ளும் MI மற்றும் CSK! யார் அவர்கள்?

இந்நிலையில், ​​ஆர்சிபி பாட்காஸ்டில் பேசிய கோஹ்லி, பார்ம் அவுட்டில் இருந்த சமயத்தில் தோனி தனக்கு என்ன குறுஞ்செய்தி அனுப்பினார் என்பதையும், அதில் இருந்து எப்படி மீள்வது என்பது பற்றி செய்தியையும் வெளிப்படுத்தியுள்ளார்.  "என்னை உண்மையாக அணுகிய ஒரே நபர் எம்.எஸ். தோனி மட்டுமே. என்னைப் பொறுத்தவரையில் என்னைவிட மூத்தவரான ஒருவருடன் இவ்வளவு வலுவான பிணைப்பையும் வலுவான உறவையும் நான் கொண்டிருக்க முடியும் என்பதை அறிவது எனக்கு கிடைத்த பாக்கியம். இது பரஸ்பர மரியாதையை அடிப்படையாகக் கொண்ட நட்பு" என்று ஆர்சிபி பாட்காஸ்டில் கோஹ்லி கூறினார்.

"அதே செய்தியில் அவர் குறிப்பிட்டுள்ள விஷயங்களில் ஒன்று, நீங்கள் வலிமையானவராக இருக்க வேண்டும் என்று எதிர்பார்க்கப்படும்போது, ​​நீங்கள் எப்படி இருக்கிறீர்கள் என்று மக்கள் கேட்க மறந்துவிடுகிறார்கள்? அதனால், அது என்னைத் தாக்கியது. இது இப்படித்தான் இருந்தது," என்று அவர் மேலும் கூறினார். இதைப் பற்றி மேலும் பேசிய கோஹ்லி, "நான் எப்போதுமே மிகவும் நம்பிக்கையுடனும், மன வலிமையுடனும், எந்த சூழ்நிலையையும் சகித்து, எங்களுக்கு வழி காட்டக்கூடிய ஒருவராகவே பார்க்கப்படுகிறேன். சில சமயங்களில் நீங்கள் உணர்ந்து கொள்வது என்னவென்றால், எந்தக் கட்டத்திலும் வாழ்க்கையில், நீங்கள் இரண்டு படிகள் பின்வாங்கி, நீங்கள் எப்படி செய்கிறீர்கள் என்பதைப் புரிந்து கொள்ள வேண்டும்."  கோஹ்லி தனது 71 வது சர்வதேச சதத்தை பதிவு செய்ய கிட்டத்தட்ட மூன்று ஆண்டுகள் காத்திருக்க வேண்டியிருந்தது, ஆசிய கோப்பையில் ஆப்கானிஸ்தானுக்கு எதிராக இந்த சாதனையை கொண்டு வந்தார்.

மேலும் படிக்க | T20 world cup: இவரு மட்டும் ஃபார்முக்கு வந்தா அரையிறுதியில் இங்கிலாந்துக்கு சங்கு

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ