தொடரை வெல்வது மற்றும் டி20 உலகக் கோப்பைக்கான அணியை உறுதிப்படுத்துவது என்ற இரட்டை நோக்கத்துடன், இன்று தொடங்கும் மேற்கிந்தியத் தீவுகளுக்கு எதிரான டி20 ஆட்டங்களுக்கு இந்தியா தயாராகி வருவதால், ஷ்ரேயாஸ் ஐயரின் செயல்திறன் அனைவராலும் தீவிரமாக பார்க்கப்பட்டு வருகிறது.
இந்தியா தற்போது ஐந்து போட்டிகள் கொண்ட தொடரில் 2-1 என்ற கணக்கில் முன்னிலை வகிக்கிறது. ஒருநாள் தொடர் போலவே டி20 தொடரையும் வெல்ல இந்திய அணி தயார் ஆகி வருகிறது. எவ்வாறாயினும், இந்த போட்டிகளில் மற்ற வீரர்களை விட ஷ்ரேயாஸ் ஐயர் மீது அனைவரது பார்வையும் உள்ளது. ஏனெனில், தனக்குக் கிடைத்த பெரும்பாலான வாய்ப்புகளைப் பயன்படுத்திக் கொண்ட தீபக் ஹூடாவிற்கு, ஐயரை விட டி20 உலகக் கோப்பை அணியில் வாய்ப்பு கிடைக்க அதிக வாய்ப்பு உள்ளது போல் தெரிகிறது.
கே.எல்.ராகுல் மற்றும் விராட் கோலி ஆகியோர் ஆசியக் கோப்பைக்கான அணியில் மீண்டும் இடம் பெற உள்ள நிலையில், ஷ்ரேயாஸ் ஐயர் 0, 10 (11) மற்றும் 24 (27) ரன்கள் எடுத்து டி20 தொடரில் மோசமாக ஆடி வருகிறார். வேகமான மற்றும் பவுன்சர் பந்துகளுக்கு ஐயர் தடுமாறி வருகிறார். ஷார்ட் பந்துகள் அவருக்கு முக்கிய பிரச்சனையாக இருந்தாலும், ஐயர் T20 ஆட்டத்தில் எந்த வேகத்தில் எந்த கியரில் பேட் செய்வார் என்பதை அவரால் தீர்மானிக்க முடியவில்லை என்ற உணர்வைத் தருகிறது. ஐயரைப் பொறுத்தவரை, அவரது டி20 ஆட்டம், ஒருநாள் கிரிக்கெட்டில் அவரது ஆடியதில் பாதி கூட இதில் ஆடவில்லை.
மேலும் படிக்க | 20 ஓவர் அணியில் எப்போதும் இடமில்லை: இந்திய பவுலருக்கு பிசிசிஐ கொடுத்த அதிர்ச்சி
பயிற்சியாளர் டிராவிட், கடந்த இரண்டரை மாதங்களில் ஷ்ரேயாஸ் ஐயருக்கு ஒன்பது டி20 ஆட்டங்களில் வாய்ப்பு வழங்கினார். அதில் பெங்களூருவில் ஒரு ஆட்டம் வாஷ்-அவுட் ஆனது, இருப்பினும் அவருக்கு வாய்ப்பு கிடைத்தபோதும் ஒரு அரை சதம் கூட அடிக்கவில்லை. மேற்கிந்திய தீவுகள் அணிக்கு எதிராக கடைசி இரண்டு ஆட்டங்களில் ஷ்ரேயாஸ் ஐயர் சிறப்பாக ஆடினால், ஆசியக் கோப்பை அணியில் அவருக்கு முன்னுரிமை அளிக்கப்படும். ஆசியக் கோப்பை அல்லது டி20 உலகக் கோப்பையில் இடம்பிடித்தாலும், பிளேயிங் 11-ல் ஆடுவது சந்தேகம் தான்.
3வது டி20 போட்டியில் ரோஹித் 11 ரன்களில் பேட்டிங் செய்து கொண்டிருந்த போது, முதுகு வலியால் காயத்துடன் ஓய்வு பெற வேண்டிய கட்டாயம் ஏற்பட்டது. இந்நிலையில் கேப்டன் ரோஹித் சர்மா, இன்றைய போட்டியில் விளையாடுவார் என்று எதிர்பார்க்கப்படுகிறது. சூர்யகுமார் யாதவின் பேட்டிங் இந்திய ரசிகர்களுக்கு நம்பிக்கை தரும் வகையில் உள்ளது.
இந்திய அணி: ரோஹித் சர்மா (கேப்டன்), சூர்யகுமார் யாதவ், ஷ்ரேயாஸ் ஐயர், தீபக் ஹூடா, ஹர்திக் பாண்டியா, ரிஷப் பந்த், இஷான் கிஷன், தினேஷ் கார்த்திக், சஞ்சு சாம்சன், ரவீந்திர ஜடேஜா, அக்சர் பரேல், ரவிச்சந்திரன் அஷ்வின், ரவி பிஷ்னோய், குல்தீப் சிங் யாதவ் , அவேஷ் கான், புவனேஸ்வர் குமார், ஹர்ஷல் படேல்
மேற்கிந்தியத் தீவுகள்: நிக்கோலஸ் பூரன் (கேப்டன்), ரோவ்மேன் பவல், ஷமர் ப்ரூக்ஸ், டொமினிக் டிரேக்ஸ், ஷிம்ரோன் ஹெட்மியர், ஜேசன் ஹோல்டர், அகேல் ஹொசைன், அல்சாரி ஜோசப், பிராண்டன் கிங், கைல் மேயர்ஸ், ஓபேட் மெக்கோய், ஓபேட் மெக்கோய். , ரொமாரியோ ஷெப்பர்ட், ஒடியன் ஸ்மித், டெவன் தாமஸ், ஹேடன் வால்ஷ்.
மேலும் படிக்க | உலக கோப்பை 2022 வெல்ல பிசிசிஐ போட்ட புதிய பிளான்! வெளியான அறிவிப்புகள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
