Asia Cup 2023: 2019 உலகக் கோப்பைக்குப் பிறகு சனிக்கிழமை பல்லேகலேயில் நடந்த இந்தியா-பாகிஸ்தான் இரு அணிகளுக்கு இடையேயான ஒருநாள் கிரிக்கெட் போட்டி மழையால் கைவிடப்பட்டது. திங்கட்கிழமை இன்று இதே மைதானத்தில் நடைபெற உள்ள இந்தியா-நேபாள போட்டியிலும் இதேபோன்ற மழை அச்சுறுத்தல் உள்ளது, 80% வரை மழை பெய்ய வாய்ப்பு உள்ளது. பல்லேகலேயில் இன்று நடைபெறும் போட்டியும் கைவிடப்பட்டால், குழு A இலிருந்து சூப்பர் ஃபோர்ஸில் இந்தியா தனது பரம எதிரியான பாகிஸ்தானுடன் சேரும். இருப்பினும் இந்திய அணியுடன் ஒரு போட்டியில் கூட விளையாடாமல் தாயகம் திரும்ப நேபாளம் விரும்பாது. வானிலை சீராகிவிட்டால், இந்த போட்டி இரு நாட்டு ரசிகர்களுக்கும் விருந்தாக இருக்கும். இரண்டு மாதங்களுக்கு முன்பு, கொழும்பில் ஐபிஎல் வீரர்கள் நிறைந்த இந்தியா ஏ அணிக்கு எதிராக ரோஹித் பாடேல் தலைமையிலான நேபாள அணி களமிறங்கி தோல்வியை சந்தித்தது. முல்தானில் நடந்த ஆசியக் கோப்பையில் நேபாளம் பாபர் ஆசாமின் பாகிஸ்தான் அணியிடம் தோல்வியை சந்தித்தது, ஆனால் சில அவர்கள் சிறந்த அணிகளுடன் போட்டியிட முடியும் என்பதைக் காட்டியது.
The rain has a final say as the match is Called Off!
Scorecard https://t.co/hPVV0wT83S
#AsiaCup2023 | #TeamIndia | #INDvPAK pic.twitter.com/XgEEkjvrC5
— BCCI (@BCCI) September 2, 2023
இந்தியாவின் விளையாடும் லெவன் அணியில், தனது முதல் குழந்தையின் பிறப்பில் கலந்துகொள்ள இந்தியா சென்ற ஜஸ்பிரித் பும்ராவுக்குப் பதிலாக முகமது ஷமி களமிறங்குகிறார். முதல் போட்டியில் ரோஹித் சர்மா, சுப்மான் கில், விராட் கோலி மற்றும் ஷ்ரேயாஸ் ஐயர் ஆகியோர் ஷஹீன் அப்ரிடி, நசீம் ஷா மற்றும் ஹாரிஸ் ரவுஃப் ஆகியோரின் வேக தாக்குதலுக்கு எதிராக தடுமாறினர். ஆனால், இஷான் கிஷான் மற்றும் ஹர்திக் பாண்டியா ஆகியோரின் அபாரமான ஆட்டத்தால் இந்தியா 266 ரன்கள் குவிக்க உதவியது.
தொடக்க வீரராக ஷுப்மான் கில் உடன் இணைந்து இஷான் கிஷான் இறங்க வாய்ப்பு உள்ளது. ஆனால் இந்த நிலையிலும், 2023 உலகக் கோப்பையின் கதவைத் தட்டும் தருணத்திலும், இது சோதனைகளுக்கான நேரம் அல்ல. எனவே ரோஹித் ஷர்மா கில் உடன் ஓபன் செய்வார். விராட் கோலி தனக்கு விருப்பமான 3-வது இடத்தையும், ஸ்ரேயாஸ் ஐயர் 4-வது இடத்தையும் தக்க வைத்துக் கொண்டுள்ளார். மிடில் ஆர்டரும் அப்படியே உள்ளது. இஷான் கிஷன், ஹர்திக் பாண்டியா, ரவீந்திர ஜடேஜா ஆகியோர் கீழ் மிடில் ஆர்டரைக் கொண்டுள்ளனர். IND vs PAK மோதலில் பல முறை தெளிவாகத் தெரிந்தது போல, விளையாட்டின் தேவைகளை சரிசெய்யும் சக்தி மூவருக்கும் உள்ளது. ஜஸ்பிரித் பும்ரா இல்லாததால், முகமது ஷமி மீண்டும் அணியில் இடம்பிடித்து, ஷர்துல் தாக்கூர் மற்றும் முகமது சிராஜ் ஆகியோருடன் வேகப்பந்து வீச்சுக்கு தலைமை தாங்குவார். குல்தீப் யாதவ் அணியில் ஸ்பெஷலிஸ்ட் ஸ்பின்னராக இருப்பார்.
இந்தியா பிளேயிங் லெவன் vs நேபாளம்: ரோஹித் சர்மா, ஷுப்மன் கில், விராட் கோலி, ஷ்ரேயாஸ் ஐயர், இஷான் கிஷன் (Wk), ஹர்திக் பாண்டியா, ரவீந்திர ஜடேஜா, ஷர்துல் தாக்கூர், முகமது ஷமி, குல்தீப் யாதவ், முகமது சிராஜ்
நேபாளம்: குஷால் புர்டெல், ஆசிப் ஷேக், ரோஹித் பவுடல் (கேப்டன்), ஆரிப் ஷேக், சோம்பால் கமி, திபேந்திர சிங் ஐரி, குல்சன் ஜா, குஷால் மல்லா, கரன் கேசி, சந்தீப் லாமிச்சானே, லலித் ராஜ்பன்ஷி
மேலும் படிக்க | தொடரும் இந்தியாவின் இன்-ஸ்விங் பலவீனம்... இப்படியே போனா உலகக் கோப்பை அவ்வளவு தான்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
