இணையத்தில் நாம் காணும் வீடியோக்களில் பல விஷயங்கள் நம்மை சில சமயம் சிரிக்க வைக்கின்றன, சில சமயம் சிந்திக்க வைக்கின்றன, சில சமயம் ஆச்சரியப்பட வைக்கின்றன, சில சமயம் அதிர்ச்சியில் ஆழ்த்துகின்றன, சில சமயம் சோகத்தையும் சேர்க்கின்றன.
சமூக ஊடகங்களில் சோகத்தை மறந்து சிரிக்க வைக்கும் பல வீடியோக்கள் அவ்வப்போது வைரல் ஆகின்றன. தற்போதும் அது போன்ற, வேடிக்கையான, சுவாரசியமான வீடியோ ஒன்று இணையத்தை கலக்கி வருகின்றது.
ஈக்வடாரில் உள்ள கலாபகோஸ் தீவுகளில் உள்ள கடற்கரையோர ரிசார்ட்டிற்கு கடல் சிங்கம் ஒன்று விஐபி விருந்தினராக வந்ததைக் காட்டும் வீடியோ சமூக ஊடகங்களில் வைரலாகி வருகிறது. இந்த வீடியோவை இன்ஸ்டாகிராமில் 'viralhog' என்ற பக்கத்தில் பகிரபட்டுள்ளது
ரிசார்ட்டில் தங்களுடைய விடுமுறையை அனுபவிக்க முயன்ற உண்மையான விருந்தினர்கள் கடலில் இருந்து குளம் பகுதிக்குள் கடல் சிங்கம் நுழைந்தபோது திகைத்துப் போனார்கள். கடலில் இருந்து வெளியேறும் கடல் சிங்கம் படிக்கட்டுகளில் ஏறி நீச்சல் குளத்தில் குதிப்பதை வீடியோவில் காணலாம்.
மேலும் படிக்க | Viral Video: அப்பா... என்ன வெயிலு; குடிநீர் தொட்டியில் ஆட்டம் போடும் குரங்குகள்
கடல் சிங்கம் நீச்சல் குளத்தில் விளையாடி மகிழ்கிறது. பின்னர் ஒரு நபர் ஓய்வெடுக்கும் நாற்காலியை நோக்கி வேகமாக சென்றது. இங்கு என்ன நடக்கிறது என்று குழம்பியபடியே நாற்காலியில் இருந்து எழுந்து அவர் விலகிச் செல்கிறார். அவர் நகர்ந்த பிறகு கடல் சிங்கம் அதின் மீது வசதியாக படுத்துக் கொள்கிறது. கடல் சிங்கத்தின் அடியில் இருந்து தனது டவலை இழுத்து அவர், நொந்து போய் , அதனை அருகில் உள்ள நாற்காலியில் வீசினார். இந்த வீடியோ நெட்டிசன்களை மிகவும் கவர்ந்துள்ள நிலையில் 13 ஆயிரத்திற்கும் மேற்பட்ட லைக்குகளை பெற்றுள்ளது.
வைரலான வீடியோவை இங்கே காணலாம்:
கடற்சிங்கம் (Sea lion) என்பது கடற்பாலூட்டி வகையைச் சேர்ந்தது. இவை இரண்டு சிறிய காதுகள், துடுப்பு போன்ற நீண்ட நான்கு கால்கள், தடித்த மேல் தோல், மற்றும் கொழுப்பு நிறைந்த அடர்ந்த உடலும் கொண்ட ஊனுண்ணிகளாகும். கடற்சிங்கங்கள் கடல் நீரில் நன்கு நீந்த துடுப்பு போன்ற கால்கள் உதவுகின்றன. கடல் மீன்கள், நண்டுகள் ஆகியன கடற்சிங்கத்தின் முக்கிய இரைகளாக உள்ளன.
மேலும் படிக்க | பந்தா காட்டி பல்வு வாங்கிய பாப்பா: வீடியோ பார்த்தா சிரிக்காம இருக்க முடியாது
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
