Notable Actress In Tamil Cinema 2024 : 2024ல் வெளியான படங்களில் இடம் பெற்றிருந்த தமிழ் நடிகைகள், ஒரு சிலர் தங்களது நடிப்பால் கவனம் ஈர்த்தவர்களாக இருக்கின்றனர். அவர்கள் யார் யார் என்பதை இங்கு பார்ப்போம்.
Notable Actress In Tamil Cinema 2024 : தமிழ் திரையுலகில், இந்த ஆண்டில் வெளியான பல படங்கள், சூப்பர் ஹிட் அடித்திருக்கின்றன. அதில் இடம் பெற்றிருந்த ஒரு சில நாயகிகளும் தங்களது நடிப்பால், ரசிகர்களை கவர்ந்திருக்கின்றனர். இதில், ஆச்சரியத்திற்குரிய விஷயம் என்னவென்றால், இந்த லிஸ்டில் இடம் பெற்றிருக்கும் கதாநாயகிகள் யாருமே டாப் நடிகைகள் கிடையாது. அப்படி, மக்களின் மனதில் இந்த ஆண்டு குடிகொண்ட நாயகிகள் குறித்து இங்கு பார்க்கலாமா?
கடந்த அக்டோபர் மாதம் 10ஆம் தேதி வெளியான படம், வேட்டையன். இந்த படத்தில், பல முக்கிய கதாப்பாத்திரங்கள் நடித்திருந்தாலும், துஷாரா விஜயனின் கதாப்பாத்திரம் மக்களிடையே வரவேற்பினை பெற்றது. அவர், இப்படத்தில் சரண்யா என்ற ஆசிரியை கதாப்பாத்திரத்தில் நடித்திருந்தார்.
தீபாவளியை முன்னிட்டு கடந்த அக்டோபர் 31ஆம் தேதி வெளியான படம், அமரன். இந்த படத்தில், சாய் பல்லவி இந்து ரெபேக்கா வர்கீஸ் கதாப்பாத்திரத்தில் நடித்தார் என்பதற்கு பதிலாக, வாழ்ந்தார் என்றே சொல்லலாம். இவரது கேரக்டருக்கு மக்கள் அதிக வரவேற்பினை கொடுத்திருந்தனர்.
மாரி செல்வராஜ் இயக்கத்தில் ஆகஸ்ட் 23ஆம் தேதி வெளியான படம், வாழை. இந்த படத்தில் நிகிலா விமல் பூங்கொடி டீச்சர் கதாப்பாத்திரத்தில் நடித்திருந்தார். இது, மக்களின் மனதை கணக்க வைத்த பாத்திரமாக இருந்தது.
செபட்ம்பர் 20ஆம் தேதி வெளியாகி, ரசிகர்களின் வரவேற்பினை பெற்ற படம், லப்பர் பந்து. இந்த படத்தில் அட்டக்கத்தி தினேஷ், ஹரிஷ் கல்யாண் உள்ளிட்டோர் முக்கிய கதாப்பாத்திரமாக நடித்திருந்தனர். இதில் இடம் பெற்றிருந்த இன்னொரு முக்கிய கதாப்பாத்திரம், யசோதை. இதில், நடிகை ஸ்வாசிகா கலக்கியிருந்தார்.
கடந்த பிப்ரவரி மாதம் வெளியான படம், லவ்வர். இந்த வருடத்தின் முதல் வெற்றிப்படமாக இது கருதப்பட்டது. இந்த படத்தில், திவ்யா கதாப்பாத்திரத்தில் கௌரி பிரியா நடித்திருந்தார். இப்படம், ரசிகர்களிடையே வரவேற்பை பெற இவரும் ஒரு காரணம்.
பா.ரஞ்சித் இயக்கத்தில் ஆகஸ்ட் 15ஆம் தேதி வெளியான படம், தங்கலான். இந்த படத்தில் விக்ரம், பார்வதியுடன் சேர்ந்து மாளவிகா மோகனனும் நடித்திருந்தார். இதில் அவரது பெயர் ஆரத்தி.
உலக சினிமா விருதுகளை வென்ற படமாக இருக்கிறது, கொட்டுக்காளி. இந்த படத்தில் சூரியுடன் சேர்ந்து அன்னா பென் நடித்திருந்தார். இது, அவரது முதல் தமிழ் படமாகும். இதில் அவரது பெயர் மீனா. இப்படத்தில் நடித்ததற்காக இவருக்கு மக்களிடம் பாராட்டு கிடைத்தது.
