Animal Viral Video Latest: பாகிஸ்தானில் இப்போது வனவிலங்குகளை வீட்டு விலங்குகளை போல் இரும்பு சங்கிலிகளை போட்டு வளர்ப்பது புது டிரெண்டாகி உள்ளது. அதாவது நாய், பூனைகளை வளர்ப்போது போன்ற சிங்கங்கள், புலிகளின் கழுத்தில் சங்கிலி கட்டி அவற்றை வீட்டு விலங்குகளை போல் வளர்க்கும் வீடியோக்கள் இன்ஸ்டாகிராமில் அடிக்கடி வெளியாகி வைரலாவதை பார்க்க முடிகிறது. அதுவும் குறிப்பாக பாகிஸ்தானில் செல்வந்தர்களிடம் இந்த பழக்கம் அதிகரித்துள்ளதாக தெரிகிறது.
இந்த பழக்கம் அங்குள்ள விலங்கு நலவிரும்பிகள், பொதுமக்கள் ஆகியோரிடம் கடுமையான எதிர்ப்பை சம்பாதித்துள்ளது. அதிலும் வனவிலங்கு பாதுகாப்பும் கேள்விக்குறியாகி உள்ளது. பாகிஸ்தான் வனவிலங்குகள் பாதுகாப்பு சட்டம் சிங்கம், புலி போன்ற விலங்குகளை தனியார் உடைமையை எதிர்க்கிறது, இருப்பினும் இதன் அமலாக்கம் என்பது சீர்கெட்டுள்ளது. எனவேதான் சட்டவிரோத விலங்குகள் வர்த்தகம் அதிகரித்துள்ளது. தொடர்ந்து விலங்குகளை வீட்டு விலங்குகளை போல் பழக்கும் இதுபோன்ற வீடியோக்களும் அதிகமாக வெளியாகின்றன.
பாவமாக தோற்றமளிக்கும் புலி
பாகிஸ்தானின் டிஜிட்டல் கிரியேட்டர் நௌமன் ஹாசன் அவரது இன்ஸ்டாகிராம் பக்கத்தில் வெளியிட்டுள்ள வீடியோவில் சங்கிலியால் கட்டப்பட்ட புலி ஒன்றுடன் அவர் செய்யும் சேட்டை நெட்டிசன்களை அதிர்ச்சிக்குள்ளாக்கி உள்ளது. மேலும் வனவிலங்கள் மீதான பொறுப்பற்ற மற்றும் கண்டிக்கத்தக்க செயல் என நெட்டிசன்கள் சாடுகின்றனர். அதில் அந்த புலிக்கும் தனக்கும் இருக்கும் நட்புறவை வெளிக்காட்டும் விதமாக புலியின் வாயில் கை முழுவதையும் உள்ளே நுழைத்து விளையாட்டு காட்டுகிறார்.
மேலும் படிக்க | தூங்கி கொண்டிருந்த பெண்ணின் மீது ஏறிய பாம்பு! அதிர்ச்சியளிக்கும் வீடியோ!
இவர் என்ன செய்தாலும் அந்த புலி எவ்வித சலனமும் இன்றி அப்படியே இருக்கிறு. கோபப்படவோ, அச்சப்படவோ இல்லை என பார்க்கும் போதே தெரிகிறது. அந்த புலி ஒருவேளை மயக்கநிலைக்கு கொண்டுசெல்லப்பட்டிருக்கலாம் அல்லது கட்டுப்படுத்தப்பட்டிருக்கலாம் எனவும் கூறப்படுகிறது. என்னுடைய புலி ராக்கி மிகவும் நட்பானது எனவும் அவர் இன்ஸ்டாகிராம் பதிவில் குறிப்பிட்டிருந்தார். பலரும் இந்த வீடியோவில் தங்களின் எதிர்ப்புகளை பதிவு செய்து வருகின்றனர்.
'முட்டாள்தனத்தின் உச்சக்கட்டம்'
இதுபோன்று அவர் பல்வேறு வீடியோக்களை பதிவிட்டுள்ளார். சில நாள்களுக்கு முன்னரும் புலியின் கழுத்தில் சங்கிலி கட்டி அதனை நாய் போல் வாக்கிங் கூட்டிச்சென்ற வீடியோவும் வைரலாகி பரபரப்பை உண்டாக்கியது. இவரை மொத்தம் 26 லட்சம் பேர் பின்தொடர்கின்றனர். 3 ஆயிரத்திற்கும் மேற்பட்ட பதிவுகளை பதிவிட்டுள்ளார். இவரது பதிவுகளுக்கு ஆயிரக்கணக்கில் பார்வையாளர்கள் இருக்கின்றனர். தற்போது வைரலாகி வரும் வீடியோவையும் 70 ஆயிரத்திற்கும் மேலானோர்கள் பார்த்துள்ளனர்.
ஹாசனின் செயல் மனிதர்களையும், விலங்குகளையும் ஆபத்தில் தள்ளக்கூடியதாகும். அந்த புலிக்கு வழங்கப்படும் சிகிச்சை மற்றும் வாழும் சூழல் ஆகியவை குறித்தும் கேள்வி எழுப்பி வருகின்றனர். இதனை தடுக்க அரசு சட்டத்தை கடுமையாக அமல்படுத்த வேண்டும் எனவும் தெரிவித்துள்ளனர். வெறும் பாலோயர்களை அதிகரிப்பதற்கு இதையெல்லாம் செய்ய வேண்டாம் என ஒருவரும், இது முட்டாள் தனத்தின் உச்சம் என மற்றொருவருமே இதே பதிவில் கமெண்ட் செய்துள்ளனர்.
மேலும் படிக்க | இந்த வைரல் வீடியோவை பார்த்தால்... இனி சோன் பப்டியை சாப்பிடவே யோசிப்பீங்க!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
