Bihar Snake Dance Viral Video: இந்தியாவில் இந்த மூன்று விஷயங்கள்தான் பெருவாரியான மக்களிடம் இருந்து பிரிக்க முடியாதவை எனலாம். அரசியல், கிரிக்கெட் மற்றும் சினிமா... இந்த மூன்றில் ஒன்றையாவது தங்களின் உயிர்மூச்சாக வைத்துக்கொண்டு நம் நாட்டில் பலரும் சுற்றிக்கொண்டிருக்கின்றனர். அதிலும் சினிமா மோகத்திற்கு அளவே இல்லாமல் முழு நேரமும் அதை குறித்த யோசனையிலேயே இருப்பதை பார்த்திருப்பீர்கள். ஒரு மாதத்திற்கு திரையரங்கம் செல்வதற்கே பொதுமக்கள் அதிக தொகை செலவழிப்பதையும் நாம் இப்போதும் பார்க்கலாம்.
சினிமா பார்ப்பது ஒருபுறம் என்றால் சினிமாவில் நடிப்பதற்கு என வருடாவருடம் ஆயிரம் ஆயிரம் பேர் தமிழ்நாட்டின் மூலைமுடுக்குகளில் இருந்து சென்னையை நோக்கி புறப்பட்டு வருகின்றனர். அதேபோல் கிராமத்தில் நடிப்பவர்களுக்கு வீதி நாடகம் ஒரு நல்ல தொடக்க மேடையாக இருக்கிறது. அதுவும் இந்தியாவின் பின்தங்கிய பகுதிகளில் இன்ஸ்டாகிராம் ரீல்ஸ், யூ-ட்யூப் ஷார்ட்ஸ் போன்றவை நுழைந்துவிட்டாலும் கூட மேடை நாடகங்கள், நடன நிகழ்ச்சிகள் நடந்துதான் வருகின்றன.
அதிர்ச்சி அளிக்கும் பாம்பு டேன்ஸ்
அந்தவகையில், பீகார் மாநிலத்தின் சஹர்சா பகுதிதியில் மேடையில் சினிமா பாடல் ஒன்றுக்கு நடன கலைஞர் ஒருவர், விஷம் நிறைந்த நாகப்பாம்புகள் படம் எடுத்து நிற்க, அவை முன்னே நின்று நடனம் ஆடிய வீடியோ தற்போது வைரலாக பரவி வருகிறது. அவ்வாறு நடனமாடி கொண்டிருக்கும்போது, அவர் பாம்பை தனது கையில் சுருட்டி வைத்திருந்தார். அந்த பாம்பு திடீரென அவரை கையில் தீண்டிவிட்டது. அருகில் இருப்பவர்கள் அந்த பாம்பை அவரிடம் இருந்து பெற்று, பெட்டியில் அடைக்க முயற்சிக்க அந்த நபரோ தனது நடனத்தை தொடர்ந்தார். இதுதான் பார்க்கும்போது இன்னும் பேரதிர்ச்சியாக இருந்தது.
மேலும் படிக்க | ஜப்பானிய முறையில் வணக்கம் சொல்லும் மான்கள்! வைரல் வீடியோ..
தொடர்ந்து, அந்த நடன கலைஞர் மேடையிலேயே மயக்கபோட்டு விழுந்தார். அதன்பின் அவரை உடனடியாக மருத்துவமனைக்கு கொண்டுசென்ற நிலையில், தற்போது அவர் நலமுடன் இருப்பதாக தெரிவிக்கப்பட்டுள்ளது. சஹர்சா மாவட்டத்தின் சத்தர்கடையா பகுதியில் நடந்ததாக தெரிவிக்கப்பட்டுள்ளது. பீகாரில் இந்து மக்களால் விமர்சையாக கொண்டாடப்படும் சத் பூஜையை முன்னிட்டு அங்கு கலை நிகழ்ச்சிகள் ஏற்பாடு செய்யப்பட்டுள்ளது. அந்த நிகழ்ச்சியில் அன்றாட கூலி வாங்கி நடிக்கும் நடன கலைஞர்கள் மிகவும் ஆபத்தான முறையில் கழுத்திலும், கைகளிலும் பாம்புகளை வைத்துக்கொண்டு நடனமாடி வந்துள்ளனர். இதுபோன்ற ஆபத்தான சாகசங்களை மக்களுக்கும் ரசித்து பார்ப்பதுதான் கவலைக்குரிய ஒன்றாகும்.
2000 ரூபாய்க்கு உயிரை பணயம் வைத்து...
வெறும் ரூ.2000 கூலிக்காக தனது உயிரையே அந்த நபர் பணயம் வைத்ததாக தகவல்கள் தெரிவிக்கின்றன. மக்களின் பொழுதுபோக்காகவும் ஆபத்தான பாம்புகளை வைத்துக்கொண்டு இதுபோன்ற சாகசங்களை செய்வதை உள்ளூர் அரசு நிர்வாகம் தடுக்க வேண்டும் என கோரிக்கைகள் எழுந்து வருகின்றனர். பாம்பு தீண்டியவர் தாமதமாக மருத்துவமனையில் அனுமதிக்கப்பட்டிருந்தால் அவரது உயிருக்கே ஆபத்து வந்திருக்கலாம் என்கின்றனர் மருத்துவர்கள். சஹர்சா அரசு மருத்துவமனைக்கு கொண்டுவருவதற்கு முன்னர் அவருக்கு பல வீட்டு வைத்தியங்கள் செய்யப்பட்டதாகவும் கூறப்படுகிறதரு.
பாம்பு தீண்டி மயக்கம்போட்டு விழுந்த நபரின் பெயர் கௌரவ் குமார் என கூறப்படுகிறது. இதுபோன்ற நிகழ்ச்சிகள் பல ஆண்டுகளாக செய்து வருவதாக அவர் கூறியுள்ளார். மேலும் அவர் கூறியதாவது,"வெவ்வேறு மாவட்டங்களுக்குச் சென்று மக்களின் பொழுதுபோக்கிற்காக அங்கு பாம்புகளுடன் விளையாடுவேன், இதுபோல் நடப்பது இதுவே முதல்முறை" என்றார்.
மேலும் படிக்க | 12 வயது லக்கி காரை அடக்கம் செய்த குடும்பம்..வைரல் வீடியோ..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
