எடை குறைப்பு என்று வரும்போது, நம் உணவில் கவனம் செலுத்துகிறோம், உடற்பயிற்சிகளிலும் கவனம் செலுத்துகிறோம். மிகச்சிறிய விவரங்களையும் கவனமாக பார்த்து நடக்கிறோம். ஆனால் நம் உடலுக்கு மிகவும் தேவையான உறக்கத்தை நாம் மறந்துவிடுகிறோம். தேவையை விட குறைவாக தூங்கினால், நம் உடல் நலம் பாதிக்கப்படுவது மட்டுமல்லாமல், அது உடல் எடையையும் அதிகரிக்கச்செய்யும் என்று கூறினால் நம்மில் பலர் நம்பாமல் போகலாம்.
உறக்கத்தின் அளவு குறைவதாலோ, அல்லது, இரவில் 7 முதல் 8 மணிநேர உறக்கம் இல்லாமல் இருப்பதாலோ பசியைக் கட்டுப்படுத்துவது கடினமாகிறது. இதனால்தான் உடல் பருமன் முதல் இதய நோய், உயர் இரத்த அழுத்தம் மற்றும் டைப் 2 நீரிழிவு வரையிலான கடுமையான நோய்கள் உடலைத் தாக்குகின்றன.
ஒரு நபர் வெறும் 15 நிமிடங்கள் குறைவாக தூங்கினால் கூட, அவரது எடை இதன் காரணமாக அதிகரிக்கலாம் என்று தெரிய வந்துள்ளது. ஆய்வில், 1 லட்சம் 20 ஆயிரம் பேரின் தூக்கத்தின் தரம் 2 ஆண்டுகளாக கண்காணிக்கப்பட்டது.
உடல் பருமன் என வகைப்படுத்தப்பட்ட 30 க்கும் மேற்பட்ட BMI உள்ளவர்களுக்கு ஆரோக்கியமான BMI உள்ளவர்களை விட 15 நிமிடங்கள் மட்டுமே குறைவாக தூங்கினார்கள் என ஆய்வின் முடிவுகள் தெரிவிக்கின்றன. தூக்கம் முழுமையடையாவிட்டால் பசியை அதிகரிக்கும் ஹார்மோன் வேகமாக அதிகரிக்கிறது.
ஒரு நபரால் தூங்க முடியாமல் போகும்போது, கிரெலின் (Ghrelin) ஹார்மோன் உடலில் அதிகரிக்கிறது மற்றும் லெப்டின் ஹார்மோனின் (Leptin) குறைபாடு தொடங்குகிறது. லெப்டின் பசியை அடக்குகிறது மற்றும் எடையை குறைக்க உதவுகிறது.
தங்கள் அன்றாட இரவு தூக்கத்தை 7 மணிநேரத்திலிருந்து 5 மணி நேரமாகக் குறைத்தவர்களுக்கு, இதய நோயாலும் பிற உடல் நல குறைபாடுகள் காரணமாகவும் இறக்கும் அபாயம் இரட்டிப்பாகியது என ஆராய்ச்சியாளர்கள் கண்டறிந்தனர்.
