மலிவான விலையில், எளிதில் கிடைக்கக்கூடிய கடலையில் நம் உடலுக்கு தேவையான பல ஊட்டச்சத்துக்கள் நிரம்பியுள்ளது, இந்த குளிர்காலத்தில் கடலையை சாப்பிடுவது நல்ல பலனை தரும்.
தினமும் கடலை அல்லது பீனட் பட்டர் சாப்பிடுபவர்களிடத்தின் டைப் 2 நீரிழிவு மற்றும் இதய நோய் பாதிப்புகள் குறைவாக இருப்பதாக கூறப்படுகிறது.
கடலையிலுள்ள மோனோ அன்சாச்சுரேட்டட் கொழுப்புகள் உங்கள் தோலை நீரேற்றமாக வைத்திருக்க உதவுகிறது மற்றும் இது உள்ளிருந்து உங்களுக்கு பளபளப்பை தருகிறது.
கடலையில் எல்-அர்ஜினைன் என்கிற பொருள் உள்ளது, இது உங்களது முடி வளர்ச்சியை ஊக்குவிக்கிறது. எனவே தினமும் கடலை சாப்பிட்டால் முடி உதிர்வு நின்று முடி வளர்ச்சி நன்றாக இருக்கும்.
குழந்தைகளுக்கு தேவையான சிறந்த புரதச்சத்துக்கள் கடலையில் அதிகமாக நிரம்பியுள்ளது, எனவே இது குழந்தைகளுக்கு சிறந்த பலனை அளிக்கிறது.
கடலையில் மாங்கனீசு சத்து அதிகம் நிறைந்துள்ளது, இதனை நீரிழிவு நோயாளிகள் சாப்பிட்டால் அவர்களுக்கு ரத்த சர்க்கரை அளவு கட்டுக்குள் இருக்கும்.
