பிரபாஸ் ரசிகர்களுக்கு குட் நியூஸ். அதிக எதிர்பார்ப்புகளை ஏற்படுத்தியிருந்த பிரபாசின் அடுத்த படத்துக்கான தலைப்பு பற்றிய அப்டேட் வந்துள்ளது. டி சீரிஸ் தயாரிப்பில் சந்தீப் வங்கா இயக்கத்தில் பிரபாஸ் நடிக்கும் படத்துக்கு ‘ஸ்பிரிட்’ என பெயரிடப்பட்டுள்ளது.
பிரபாஸின் (Prabhas) 25 ஆவது படமான ‘ஸ்பிரிட்’, பிரமாண்ட பட்ஜெட்டில் தயாரிக்கப்பட உள்ளது. டி சீரிஸ் என்டெர்டெயின்மென்ட் இந்த படத்தை தயாரிக்கவுள்ளனர். இப்படத்தை சந்தீப் ரெட்டி வங்கா இயக்கவுள்ளார்.
‘அர்ஜுன் ரெட்டி’ மற்றும் ‘கபிர் சிங்’ ஆகிய படங்களை இயக்கியுள்ள சந்தீப், பிரபாஸ் நடிக்கும் அகில இந்திய திரைப்படமான ஸ்பிரிட்டுக்காக முன்னெப்போதும் திரையில் வந்திராத கதைக்களம் ஒன்றை தேர்ந்தெடுத்துள்ளதாக வட்டாரங்கள் தெரிவிக்கின்றன.
ALSO READ: பிரபாஸ் நடித்துள்ள ராதே ஷ்யாம் ரிலீஸ் தேதி அறிவிப்பு
‘சலார்’ மற்றும் ‘ஆதி புருஷ்’ ஆகிய படங்களில் தற்போது நடித்து வரும் பிரபாஸ், ‘புரோஜெக்ட் கே’ என்ற படத்தில் நடிக்கவும் ஒப்பந்தம் ஆகியுள்ளார். இதற்கிடையில், அவரது 25 ஆவது படம் பற்றிய அப்டேட் தற்போது வந்து அவரது ரசிகர்களை மகிழ்வித்துள்ளது.
‘ஸ்பிரிட்’ படத்தின் படப்படிப்பு (Shooting) அடுத்த வருடம் தொடங்கவுள்ளதாக தகவல்கள் தெரிவித்துள்ளன.
‘சாஹோ’, ‘ராதே ஷியாம்’ மற்றும் ‘ஆதி புருஷ்’ ஆகிய படங்களுக்காக பிராபஸுடன் இணைந்து பணிபுரிந்த டி சீரிஸ் என்டெர்டெயின்மென்ட், யுவி கிரியேஷன்ஸ் உடன் இணைந்து ‘ஸ்பிரிட்’ திரைப்படத்தை பிரமாண்ட பொருட்செலவில் தயாரிக்கிறது.
ALSO READ:‘ஆதிபுருஷ்’ படம் பற்றிய அட்டகாசமான அப்டேட்டை வெளியிட்டார் நடிகர் Prabhas!!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
