ஒவ்வோர் ஆண்டும் ஜூன் மற்றும் டிசம்பர் மாதங்களில் தேசிய தகுதித் தேர்வு நடைபெறுவது வழக்கம். கல்லூரி ஆசிரியர் பணிக்குத் தகுதி பெறுவதற்கான தேசிய அளவிலான இந்த தேர்வுக்கு விண்ணப்பிப்பதற்கான கால அவகாசம் தற்போது நீட்டிக்கப்பட்டுள்ளது.
இளநிலை ஆராய்ச்சி படிப்பு உதவித்தொகைக்கான கல்லூரி-பல்கலைக்கழகங்களில் உதவிப் பேராசிரியர் பணியில் சேருவதற்கும் செட் அல்லது நெட் தகுதித் தேர்வில் தகுதி பெறுவது கட்டாயம். இதில் நெட் தேர்வை CBSE நடத்தி வருகிறது.
2018-ஆம் ஆண்டுக்கான நெட் தேர்வானது ஜூலை 8-ம் தேதி நடத்தப்பட உள்ளது. இதற்கு ஆன்லைன் மூலம் விண்ணப்பிக்க முடியும். ஆன்-லைன் மூலம் விண்ணப்பிக்க ஏப்ரல் 5-ம் கடைசி என அறிவிக்கப்பட்டிருந்த நிலையில், தற்போது இதற்கான கால அவகாசம் ஏப்ரல் 12 வரை நீட்டிக்கப்படுவதாக CBSE அறிவித்துள்ளது.
