கூலித் தொழிலாளர் குழந்தைகளுக்கு ரூ.51,000 கல்வி உதவித்தொகை வழங்கும் மாநில அரசு..!

ஹரியானா அரசு, கல்வித் துறையில் சமத்துவத்தைக் கொண்டு வரவும், உழைக்கும் வர்க்கத்தின் குழந்தைகளுக்கு தரமான கல்வியை வழங்கவும், தொழிலாளர் உதவித்தொகை திட்டத்தை (Labour Copy Scholarship Yojana) அறிமுகப்படுத்தியுள்ளது. இந்தத் திட்டம் தொழிலாளர்களின் குழந்தைகளுக்கு நிதியுதவி வழங்குவதோடு, கல்வியில் விழிப்புணர்வையும் ஆர்வத்தையும் அதிகரிக்கவும் செய்கிறது. இத்திட்டத்தின் முக்கிய நோக்கம் தொழிலாளர்களின் குழந்தைகளின் எதிர்காலத்திற்கு அடித்தளம் அமைப்பதும், அவர்களின் கல்வி இலக்குகளை அடைய உதவுவதும் ஆகும்.

1 ஆம் வகுப்பு முதல் கல்வி உதவித் தொகை

இத்திட்டத்தின் கீழ், குழந்தைகளுக்கு 1ம் வகுப்பு முதல் உயர்கல்வி வரை கல்வி உதவித் தொகை வழங்கப்படுகிறது. இதன் மூலம் கூலித் தொழிலாளர்களின் குழந்தைகள் தங்களின் படிப்பை பொருளாதார தடையின்றி தொடரலாம். இந்த முன்முயற்சி நிதி உதவியை வழங்குவதோடு மட்டுமல்லாமல், தொழிலாளர் குடும்பங்களுக்கு அவர்களின் கடின உழைப்புக்கு அவர்களின் குழந்தைகளுக்கு கல்வி வடிவில் வெகுமதி அளிக்கப்படும் என்ற உறுதியையும் அளிக்கிறது.

லேபர் காபி ஸ்காலர்ஷிப் யோஜனா திட்டம்

Labour Copy Scholarship Yojana திட்டத்தின் முக்கிய நோக்கம் உழைக்கும் வர்க்கக் குழந்தைகளை படிக்கத் தூண்டுவதும் அவர்களின் கல்விச் செலவுகளைச் சமாளிக்க உதவுவதும் ஆகும். ஹரியானாவின் தொழில் மற்றும் வணிக பிரிவுகளில் பணிபுரியும் தொழிலாளர்களின் குழந்தைகளுக்கு இத்திட்டத்தின் கீழ் உதவி வழங்கப்படுகிறது. இத்திட்டத்தின் பயனாளிகள் குடும்பத்தில் இருந்து அதிகபட்சம் இரண்டு ஆண் குழந்தைகளும் மூன்று பெண் குழந்தைகளும் இருக்கலாம். இந்த திட்டத்தின் கீழ் வழங்கப்படும் உதவி முக்கியமாக பள்ளி சீருடைகள், புத்தகங்கள் மற்றும் நோட்டுகள் வாங்குவதற்கு பயன்படுத்தப்படுகிறது. அரசாங்கத்தின் இந்த முயற்சி, உழைக்கும் வர்க்கக் குழந்தைகளும் நிதி நெருக்கடியின்றி கல்வி கற்கவும், வாழ்க்கையில் சிறந்த வாய்ப்புகளைப் பெறவும் உறுதி செய்கிறது.

மேலும் படிக்க | கிரெடிட் கார்டு பயன்பாடு... உங்கள் சிபில் ஸ் கோரை பாதிக்காமல் இருக்க சில டிப்ஸ்

கல்வி உதவித் தொகையின் விவரம்

இத்திட்டத்தின் கீழ், மாணவர்களுக்கு அவர்களின் வகுப்பு மற்றும் கல்வி நிலைக்கு ஏற்ப ஆண்டுதோறும் நிதியுதவி வழங்கப்படுகிறது. குழந்தைகளின் கல்வித் தேவைகளைப் பூர்த்தி செய்ய இந்த உதவி உதவுகிறது.

நிதி உதவியின் வகைகள்

1 முதல் 4 வகுப்புகள்: ஆண்டுக்கு ₹3,000
வகுப்பு 5 முதல் 8 வரை: ஆண்டுக்கு ₹5,000
வகுப்பு 9 முதல் 10 வரை: ஆண்டுக்கு ₹10,000
ஐடிஐ டிப்ளமோ படிப்பு: ஆண்டுக்கு ₹10,000
வகுப்பு 11 முதல் 12 வரை: ஆண்டுக்கு ₹12,000
இளங்கலை பட்டம் (பொது படிப்பு): ஆண்டுக்கு ₹15,000
பொறியியல் மற்றும் மருத்துவப் பட்டப்படிப்புகள்: வருடத்திற்கு ₹20,000 முதல் ₹21,000 வரை

திறமையான மாணவர்களுக்கு கூடுதல் ஊக்கத்தொகை

கல்வியில் சிறந்து விளங்கும் குழந்தைகளுக்கு சிறப்பு ஊக்கத்தொகை திட்டத்தை அரசு செயல்படுத்தியுள்ளது. திறமையான குழந்தைகளுக்கு அவர்களின் கடின உழைப்பு மற்றும் சிறந்த செயல்திறனுக்காக கூடுதல் பண வெகுமதிகள் வழங்கப்படுகின்றன.

ஊக்கத் தொகையின் வகைகள்

90% அல்லது அதற்கு மேற்பட்ட மதிப்பெண்கள்: ₹51,000
80% அல்லது அதற்கு மேற்பட்ட மதிப்பெண்கள்: ₹41,000
70% அல்லது அதற்கு மேற்பட்ட மதிப்பெண்கள்: ₹31,000
60% அல்லது அதற்கு மேற்பட்ட மதிப்பெண்கள்: ₹21,000

இந்த ஊக்கத்தொகை மாணவர்களை கடினமாக உழைக்கவும் அவர்களின் கனவுகளை நனவாக்கவும் தூண்டுகிறது. குழந்தைகள் தங்கள் கல்விச் செயல்திறனில் தீவிரமாக இருப்பதையும், போட்டியில் முன்னேறுவதையும் இந்தத் திட்டம் உறுதி செய்கிறது.

Labour Copy Scholarship Yojana திட்டத்தின் தகுதி மற்றும் நிபந்தனைகள்

* இந்த திட்டம் ஹரியானா மாநில தொழிலாளர்களின் குழந்தைகளுக்கு மட்டுமே.
* விண்ணப்பதாரரின் பெயர் தொழிலாளியின் ரேஷன் கார்டு அல்லது இஎஸ்ஐ கார்டில் இருக்க வேண்டும்.
* குடும்ப ஆண்டு வருமானம் ₹1.5 லட்சத்துக்கு மிகாமல் இருக்க வேண்டும்.
* பணியாளரின் குறைந்தபட்ச சேவைக் காலம் 2 ஆண்டுகளாக இருக்க வேண்டும்.
* திட்டத்தின் கடைசி தேதிக்கு முன் மட்டுமே விண்ணப்பங்கள் ஏற்றுக்கொள்ளப்படும்.

விண்ணப்பத்திற்கு தேவையான ஆவணங்கள்

ஆதார் அட்டை, தொழிலாளர் அட்டை, பள்ளி அல்லது கல்லூரி சேர்க்கை சான்றிதழ், முந்தைய வகுப்பு மதிப்பெண் பட்டியல், குடும்ப ரேஷன் கார்டு அல்லது இஎஸ்ஐ கார்டின் நகல், வங்கி கணக்கு விவரங்கள், பாஸ்போர்ட் அளவு புகைப்படம்,

Labour Copy Scholarship Yojana திட்டத்திற்கு எவ்வாறு விண்ணப்பிப்பது?

இந்த திட்டத்திற்கு விண்ணப்பிப்பது எளிது. இதற்கு, விண்ணப்பதாரர்கள் ஹரியானா தொழிலாளர் துறையின் அதிகாரப்பூர்வ இணையதளத்திற்குச் சென்று ஆன்லைன் முறையில் விண்ணப்பிக்கலாம்.

* முதலில் தொழிலாளர் துறையின் அதிகாரப்பூர்வ இணையதளத்தைத் ஓபன் செய்ய வேண்டும்.
* இப்போது new user தேர்வு செய்து பதிவு செய்யவும்.
* பதிவுசெய்த பிறகு, உங்கள் பயனர் ஐடி மற்றும் கடவுச்சொல்லைப் பயன்படுத்தவும்.
* தேவையான அனைத்து தகவல்களையும் சரியாக நிரப்பவும்.
* தேவையான அனைத்து ஆவணங்களையும் ஸ்கேன் செய்து பதிவேற்றவும்.
* விண்ணப்பப் படிவத் தகவலைச் சரிபார்த்து சமர்ப்பிக்கவும்.
* விண்ணப்பப் படிவத்தின் நகலை எதிர்கால தேவைகளுக்காக பாதுகாப்பாக வைத்திருங்கள்.

மேலும் படிக்க | ரயில் டிக்கெட்டை வேறொருவருக்கு மாற்றலாம்... தேதியையும் மாற்றலாம்... இதோ வழிமுறை

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ