கேரள மாநிலம் மலப்புரம் தொகுதி எம்.பி.யாக இருந்தவர் இ. அகமது. முன்னாள் மத்திய மந்திரியான இ. அகமது முஸ்லீம் லீக் கட்சியின் தலைவராகவும் இருந்து வந்தார்.
நாடாளுமன்ற பட்ஜெட் கூட்டத்தொடரின் போது இ. அகமது திடீரென மயங்கி விழுந்தார். இவர் டெல்லியில் உள்ள மருத்துவமனையில் அனுமதிக்கப்பட்டம் மாரடைப்பு காரணமாக மரணம் அடைந்தார்.
இதைத் தொடர்ந்து அவரது உடல் விமானம் மூலம் கோழிக்கோடு விமான நிலையத்திற்கு நேற்று பகல் கொண்டு வரப்பட்டது. இன்று காலை முதல் கண்ணூரில் உள்ள நகரசபை மைதானத்தில் அவரது உடல் பொதுமக்கள் அஞ்சலிக்காக வைக்கப்பட்டது.
இன்று பிற்பகல் இறுதிச்சடங்கு நடத்தப்பட்டு அகமதுவின் உடல் முழு அரசு மரியாதையுடன் அடக்கம் செய்யப்படுகிறது.
