புதுடில்லி: டெல்லி முதல்வர் அரவிந்த் கெஜ்ரிவாலுக்கு தனது ட்விட்டர் பக்கத்தில் பதிவேற்றிய வீடியோ தொடர்பாக தேர்தல் ஆணையம் நோட்டீஸ் அனுப்பியுள்ளது. இது நடத்தை விதிகளை மீறுவதாக உள்ளது என ஆணையம் தெரிவித்துள்ளது. சனிக்கிழமை மாலை 5 மணிக்குள் கெஜ்ரிவாலுக்கு பதில் அளிக்க வேண்டும் என ஆணையம் கேட்டுக் கொண்டுள்ளது.
டெல்லி போலீஸ் கமிஷனரிடம் பாஜக புகார் அளித்திருந்தது. அதாவது ஆம் ஆத்மி கட்சியின் ஆதரவாளர்கள் போலி ஆவணங்களை விநியோகிப்பதன் மூலம் பாஜகவின் பிம்பத்தை கெடுப்பதாக கூறப்பட்டது. "ஷோலே ஃப்ரம் டெல்லி" என்ற வீடியோ தயாரிக்கப்பட்டு உள்ளதாகவும், அதில் "ஷோலே ஸ்பூஃப் / அரவிந்த் கெஜ்ரிவால் / டஸ்ட் வீடியோக்களுக்கு அப்பால்" என்ற ஹேஷ்டேக் இருந்ததாகவும் புகார் தெரிவிக்கப்பட்டுள்ளது.
Election Commission issues notice to Delhi Chief Minister Arvind Kejriwal over a video he uploaded on his Twitter account. Commission said it was a violation of the Model Code of Conduct (MCC). pic.twitter.com/jwScMKMGs8
— ANI (@ANI) February 7, 2020
தேர்தல் ஆணையத்தில் தாக்கல் செய்யப்பட்ட புகாரில், பாலிவுட் திரைப்படமான "ஷோலே" வீடியோ மூலம் கெஜ்ரிவால் தனது கட்சியின் முக்கிய தலைவர்களின் உருவத்தை கெடுக்க முயன்றதாக பாஜக கூறியுள்ளது. போலி ஆவணங்கள் மூலம் பாஜக தலைவர்களின் பெயருக்கு களங்கம் விளைவிக்க முயன்றதற்காக ஆம் ஆத்மி கட்சிக்கு எதிராக டெல்லி காவல்துறையின் சிறப்பு செல் எஃப்.ஐ.ஆர் பதிவு செய்தது.
ஹாட்ரிக் வெற்றியைப் பெற்று டெல்லியின் அதிகாரத்தைப் பெற விரும்பும் ஆம் ஆத்மி கட்சியின் தலைவர் அரவிந்த் கெஜ்ரிவால் போட்டியிடும் புதுடெல்லி சட்டமன்ற தொகுதியில் அதிகபட்சம் 27 வேட்பாளர்களை எதிர்க்க வேண்டி உள்ளது. புதுடெல்லி சட்டமன்ற தொகுதியில் பாஜக, காங்கிரஸ், ஆம் ஆத்மி கட்சி தவிர, பகுஜன் சமாஜ் கட்சி உட்பட 25 வேட்பாளர்கள் இந்த முறை களம் கண்டுள்ளனர். இதில் விசேஷம் என்னவென்றால், இந்த கட்சிகளின் பெயர் மற்றும் தேர்தல் சின்னம் நிச்சயமாக உங்கள் கவனத்தை ஈர்க்கும்.
உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.
