கொரோனா வைரஸ் பரவாமல் தடுப்பதற்கான முன்னெச்சரிக்கை நடவடிக்கையாக மார்ச் 31 வரை தெலுங்கானா முழுமையாக அனைத்து செயல்பாடுகளையும் முடக்க முடிவு..!
உலகம் முழுவதும் அச்சுறுத்தலை ஏற்படுத்தி வரும் கொரோனா வைரஸ் இந்தியாவிலும் பாதிப்பை ஏற்படுத்தி வருகிறது. இந்தியாவிலும் கொரோனாவால் பாதிக்கப்பட்டுள்ளோரின் எண்ணிக்கை தற்போது 370 ஆக அதிகரித்துள்ளது. ஒரே நாளில் 50-க்கும் மேற்பட்டோர் பாதிக்கப்பட்டுள்ளனர். அதேபோன்று, இந்தியாவில் கரோனா உயிரிழப்பு எண்ணிக்கை 6 ஆக உயர்ந்துள்ளது.
கொரோனா தடுப்பு நடவடிக்கையாக நாடு முழுவதும் கல்வி நிறுவனங்கள், வணிக வளாகங்கள் உள்ளிட்டவை மூடப்பட்ட நிலையில், பிரதமர் மோடியின் வேண்டுகோளுக்கு இணங்க இன்று (ஞாயிற்றுக்கிழமை) காலை 7 மணி முதல் இரவு 9 மணி வரை நாடு முழுவதும் 'மக்கள் ஊரடங்கு' பின்பற்றப்பட்டு வருகிறது. இதனால், அனைத்து போக்குவரத்து சேவையும் ரத்து செய்யப்பட்டுள்ளது.
இதையடுத்து, நாடு முழுவதும் மாநிலங்களுக்கு இடையே பேருந்து போக்குவரத்து சேவை மார்ச் 31 ஆம் தேதி வரை ரத்து செய்யப்படுவதாக மத்திய அரசு அறிவிப்பை வெளியிட்டுள்ளது. நாடு முழுவதும் 75 மாவட்ட எல்லைகளில் அனைத்து போக்குவரத்தும் நிறுத்தப்படுகிறது. நாடு முழுவதும் எல்லைகளில் உள்ள 75 மாவட்டங்களை முடக்குவதென மத்திய அரசு முடிவெடுத்து அறிவித்துள்ளது. இவற்றில் தமிழகத்தில் சென்னை, காஞ்சிபுரம், ஈரோடு ஆகிய 3 மாவட்டங்கள் முடக்கப்பட வேண்டிய பட்டியலில் இடம் பெற்றுள்ளன.
இந்நிலையில், கொரோனா வைரஸ் பரவாமல் தடுப்பதற்கான முன்னெச்சரிக்கை நடவடிக்கையாக மார்ச் 31 வரை தெலுங்கானா முழுமையாக அனைத்து செயல்பாடுகளையும் முடக்க முடிவு செய்துள்ளதாக முதல்வர் கே.சந்திரசேகர் ராவ் ஞாயிற்றுக்கிழமை தெரிவித்தார்.
மொத்த கொரோனா வைரஸ் நேர்மறை வழக்குகளின் எண்ணிக்கை 26 ஆக உயர்ந்துள்ள மாநிலத்தின் நிலைமை குறித்து விவாதிக்க உயர்மட்டக் கூட்டத்திற்குத் தலைமை தாங்கிய பின்னர் ராவ் இந்த அறிவிப்பை வெளியிட்டார்.
இன்று (ஜந்தா ஊரடங்கு உத்தரவு) மார்ச் 31 வரை நாம் செய்த அதே மனநிலையை நாம் காட்ட வேண்டும், நோய் பரவுவதை நிறுத்த முடியும். மார்ச் 31 வரை தெலுங்கானா பூட்டப்பட்டிருக்கும், ”என்றார்.
அனைத்து மாநிலங்களுக்கிடையேயான எல்லைகள் மூடப்படும், மேலும் அத்தியாவசிய பொருட்களான மருந்துகள் போன்ற வாகனங்கள் மட்டுமே மாநிலத்திற்குள் நுழைய அனுமதிக்கப்படும், என்றார்.
