புது டெல்லி: கொரோனா வைரஸ் (Coronatvirus in India) இந்தியாவில் வேகமாக அதிகரித்து வருகின்றன. இந்தியாவில் மொத்த கொரோனா வைரஸ் நோயாளிகளின் எண்ணிக்கை இப்போது ஏழு லட்சத்தைத் தாண்டியுள்ளது. தற்போது, உலகில் அதிக கொரோனா (COVID-19 Patient) பாதிக்கப்பட்ட நாடுகளின் பட்டியலில் இந்தியா மூன்றாவது இடத்தை அடைந்துள்ளது. கொரோனா பாதிப்பு பட்டியலில் அமெரிக்கா மற்றும் பிரேசில் நாடுகள் மட்டுமே இந்தியாவை விட முன்னணியில் உள்ளது. இந்தியாவில் இதுவரை 700,724 பேருக்கு தொற்று (COVID-19) பாதிப்பு பதிவாகியுள்ளன. அதேநேரத்தில் மொத்தம் 19,714 பேர் இறந்துள்ளனர்.
கொரோனா தொற்று ஏழு மில்லியனைத் தாண்டியுள்ளது:
www.worldometers.info/coronavirus/ இன் படி, இந்தியாவில் கொரோனா நோயால் பாதிக்கப்பட்ட நோயாளிகளின் எண்ணிக்கை ஏழு லட்சத்தை தாண்டியுள்ளது. ஐ.சி.எம்.ஆர் (ICMR) படி, இதுவரை நாட்டில் ஒரு கோடி கொரோனா பரிசோதனைகள் செய்யப்பட்டுள்ளன. தற்போது, நாட்டில் ஒவ்வொரு நாளும் சுமார் இரண்டு லட்சம் சோதனைகள் மேற்கொள்ளப்படுகின்றன. நாடு முழுவதிலும் நேற்று (ஞாயிற்றுக்கிழமை) சுமார் 1.80 லட்சம் சோதனைகள் நடத்தப்பட்டன.
ஆறே நாளில் நோயாளிகள் ஒரு லட்சத்தைத் தாண்டினர்:
ஜூலை 1 ஆம் தேதி, நாட்டில் மொத்த நோயாளிகளின் எண்ணிக்கை 605,221 ஆகும். அன்று 19 ஆயிரத்துக்கும் மேற்பட்ட கொரோனா தொற்று பதிவாகியுள்ளன. இதன் பிறகு,
ஜூலை 2 ஆம் தேதி, சுமார் 22 ஆயிரம் பேருக்கு பாதிப்பு,
ஜூலை 3, 22,718 பேருக்கு பாதிப்பு,
ஜூலை 4, 24,018 பேருக்கு தொற்று பாதிப்பு,
ஜூலை 5, 23,941 பேருக்கு பாதிப்பு,
ஜூலை 6 ஆம் தேதி இதுவரை 2,888 பேருக்கு பாதிப்பு என்ற அடிப்படையில் மொத்த நோயாளிகளின் எண்ணிக்கை ஏழு லட்சங்களைத் தாண்டியது. அதாவது, வெறும் 6 நாட்களில், ஒரு லட்சம் புதிய கொரோனா தொற்று ஏற்பட்டுள்ளது. கொரோனா இவ்வளவு விரைவான வேகத்தில் தொடர்ந்து பரவினால், நிலைமை இன்னும் கடினமாகிவிடும்.
பிற செய்தி படிக்கவும் | இந்தியாவில் கொரோனா பரிசோதனைகளின் எண்ணிக்கை 1 கோடியை தாண்டியது: ICMR
கடந்த 24 மணி நேரத்தில் 24 ஆயிரத்துக்கும் மேற்பட்ட பாதிப்பு:
சுகாதார அமைச்சின் (Health Ministry) தரவுகளின்படி, கடந்த 24 மணி நேரத்தில் 24,248 புதிய கொரோனா தொற்று பதிவாகியுள்ளன. இதற்கிடையில், இதே காலகட்டத்தில் 425 நோயாளிகள் இறந்துள்ளனர். இப்போது இந்தியாவில் மொத்த கொரோனா நோயாளிகளின் எண்ணிக்கை 6,97,413 ஆக உயர்ந்துள்ளது. இவர்களில் 2,53,287 பேர் செயலில் உள்ளனர், 4,24,433 பேர் குணமடைந்த நோயாளிகள். நாட்டில் கொரோனா காரணமாக இதுவரை 19,693 பேர் இறந்துள்ளனர்.
