புது டெல்லி: இந்த இணைய உலகம் எவ்வளவு பெரியது மற்றும் உங்களை கவரக்கூடியது என்றாலும், அதனால் ஆபத்தும் அதிகமானது. இங்கே, நீங்கள் எப்போது மோசடிக்கு ஆளாக நேரிடும், உங்கள் தனிப்பட்ட தகவல்கள் எப்போது கசிந்து விடும் என்பது உங்களுக்குத் தெரியாது. இப்போது இதுபோன்ற பல மோசடி வழக்குகள் வெளியே வந்து கொண்டிருக்கின்றன.
கொரோனா நெருக்கடியின் மத்தியில், மகாராஷ்டிராவின் (Maharashtra) இணைய குற்றக் குழுவினரிடமிருந்தும் இதே போன்ற தகவல்கள் வெளிவந்துள்ளன. வேலை வேண்டும் என்ற விருப்பத்தில் இணையத்தில் தங்கள் தரவைப் பகிர்ந்துகொண்டிருந்த மாநிலத்தின் சுமார் 2.91 கோடி மக்களின் தனிப்பட்ட தகவல்கள் அனைத்தும் இப்போது டார்க் நெட்டில் (Dark Net) விற்பனைக்குக் கிடைக்கின்றன. இது மிகவும் அதிர்ச்சியூட்டும் மற்றும் பயமுறுத்தும் செய்தியாகும். இது மகாராஷ்டிரா காவல்துறையினரால் மிகவும் தீவிரமாக எடுத்துக் கொள்ளப்பட்டுள்ளது.
READ | ரிலையன்ஸ் ஜியோ, வோடபோன் வாடிக்கையாளர்களுக்கு நல்ல செய்தி..
சதித்திட்டத்தின் சூத்திரதாரி யார்?
இப்போது இந்த மோசடி குறித்து காவல்துறை விசாரணை தொடங்கியுள்ளது. இந்த சதித்திட்டத்தின் சூத்திரதாரி யார் என்பதை அறிய மகாராஷ்டிராவின் சைபர் துறை (Maharashtra Cyber Wing) இதுபோன்ற சந்தேகத்திற்கிடமான தளங்களை விசாரித்து வருகிறது.
உங்கள் தரவு (Data) தவறாக பயன்படுத்தப்படலாம்:
இந்த செய்தி மகாராஷ்டிரா (Maharashtra Police) காவல்துறையினரின் தூக்கத்தை கெடுத்துள்ளது. ஒரே நேரத்தில் பலரின் தரவு திருட்டு என்பது மிகப்பெரிய கவலை அளிக்கக்கூடிய விசியமாகும். குற்றவியல் உள்ளுணர்வு உள்ளவர்கள் இந்தத் தரவை தவறாகப் பயன்படுத்தக்கூடாது என்று போலீசார் அஞ்சுகிறார்கள். எடுத்துக்காட்டாக, போலி ஆதார் அட்டை அல்லது அடையாள அட்டையை உருவாக்குவது. அதேபோல போலி ஏடிஎம் கார்டு அல்லது கிரெடிட் கார்டு மற்றும் வங்கி தகவல்கள் மூலமாகவும் மோசடிக்கு வழிவகுக்கும்.
போலி வேலை தளங்களிலிருந்து தரவு திருட்டு:
போலி வேலை வாய்ப்பு வலைத்தளம் மூலம் தரவு திருடப்பட்டுள்ளதாக போலீசார் தெரிவித்தனர். உங்கள் பெயர், முகவரி, நகரம் மற்றும் மாநில பெயர், மின்னஞ்சல் ஐடி, தொலைபேசி எண் மற்றும் கல்வி விவரங்கள் போன்ற அனைத்து தகவல்களும் தரவுகளில் உள்ளன. இதுபோன்ற பெரும்பாலான வலைத்தளங்களைப் போலவே, இந்த வலைத்தளமும் ஒரிஜினல் வலைத்தளத்தை போல உருவாக்கி உள்ளனர். இது நுகர்வோரை குழப்பமடையச் செய்கிறது மற்றும் அவர்கள் தங்கள் தரவை இங்கே பகிர்ந்து கொள்கிறார்கள். இதன்மூலம் இருண்ட வலையில் (Dark Net) அல்லது இதுபோன்ற வேறு தளங்களில் உள்ளவர்களின் தனிப்பட்ட தகவல்களை தங்கள் சொந்த நலனுக்காக விற்கிறது.
READ | பெண் பாஜக இளைஞர் தலைவரின் ஆபாச பதிவுகள் பகிர்ந்தவர் கைது
கேம்பிரிட்ஜ் அனாலிடிகா அமெரிக்காவிலும் தரவை கசியவிட்டது:
தரவு திருட்டு அல்லது தரவு கசிவு குறித்து எந்த கேள்வியும் இல்லை என்று மகாராஷ்டிராவின் (Maharashtra) இணைய துறை யஷஸ்வி யாதவ் தெரிவித்தார். முன்னதாக, அமெரிக்க ஜனாதிபதி டொனால்ட் டிரம்பின் வெற்றிக்கு தரவு கசிவுகளும் பெரும்பாலும் காரணமாக இருந்தன. அமெரிக்க நிறுவனமான கேம்பிரிட்ஜ் அனாலிடிகா (Cambridge Analytica) , பேஸ்புக்கின் (Facebook) மில்லியன் கணக்கான பயனர் தரவை ஜனாதிபதி டொனால்ட் டிரம்பிற்கு ஆதரவாக ஒரு தேர்தல் அலையை உருவாக்க பயன்படுத்தியதை ஒப்புக் கொண்டு ஜனாதிபதி டொனால்ட் டிரம்பிற்கு ஆதரவாக ஒரு சூழ்நிலையை உருவாக்கியது.
தரவு கசிவுக்கு பலியாகாமல் இருப்பது எப்படி?
இன்றைய உலகில் இணையம் (Internet) நமக்கு அன்றாட தேவையாகிவிட்டது. இதுபோன்ற சூழ்நிலையில், எதிர்காலத்தில் இதுபோன்ற தரவு கசிவுகளுக்கு இரையாகாமல் இருப்பதைத் தவிர்க்க சில முன்னெச்சரிக்கைகளுடன் இதைப் பயன்படுத்த வேண்டும்.
READ | WATCH: பீகார் தனிமைப்படுதல் முகாமில் நடனமாடி அசத்தும் தாத்தா..!
1. தெரியாத நபர் வங்கி விவரங்கள் அல்லது கிரெடிட் கார்டு-டெபிட் கார்டு தகவல்களைக் கேட்டால் எச்சரிக்கையாக இருங்கள்.
2. பல வலைத்தளங்கள் மத்திய திட்டத்தின் மூலம் வேலையற்ற இளைஞர்களுக்கு மாதாந்திர பணத்தை ஸ்டைபண்ட் வடிவத்தில் கொடுப்பது பற்றி பேசினால், நீங்கள் எச்சரிக்கையாக இருக்க வேண்டும். இது ஒரு தவறான விளம்பரம், உங்கள் தகவல்களைக் கொடுப்பதன் மூலம் நீங்கள் சிக்கிக் கொள்ளலாம்.
3. நீங்கள் கொடுத்த தரவு உங்களை ஏமாற்ற அல்லது மற்றவர்களை ஏமாற்ற அல்லது குற்றங்களைச் செய்ய பயன்படுத்தப்படலாம்.
4. வேலை தேடுபவர்கள் வேலைக்கு விண்ணப்பிக்கும்போது வங்கி கணக்கு டெபிட் / கிரெடிட் கார்டு பணத்தை செலுத்தக்கூடாது.
5. வேலை தேடுபவர்கள் மின்னஞ்சல்கள், அழைப்புகள் மூலம் மட்டுமே தொடர்பு கொள்வதற்கு பதிலாக தனிப்பட்ட முறையில் இதுபோன்ற வேலைவாய்ப்பு போலி இணையதளங்களைப் பயன்படுத்துவதை தவிர்க்க வேண்டும்.
இங்கே புகார் செய்யலாம்:
இதுபோன்ற தவறான வலைத்தளம் அல்லது போர்டல் பற்றிய தகவல்களைப் பெற்றால் அல்லது இந்த வலைத்தளம் மக்களை ஏமாற்றக்கூடும் என்று நீங்கள் நினைத்தால். அவர்கள் தங்கள் தகவல்களை தவறான வழியில் பயன்படுத்த முடிந்தால், நீங்கள் அத்தகைய வலைத்தளத்தை மகாராஷ்டிரா போலீசாருக்கு தகவல் அளித்து, அது போலியானதா? அல்லது அசலானதா? என்று சரிபார்க்கலாம். நீங்கள் www.reportphishing.in மற்றும் www.cybercrime.gov.in என்ற முகவரியில் போலீசாருக்கு தெரிவிக்கலாம்.
READ | நற்செய்தி.... இனி உங்கள் ஸ்மார்ட்போனைப் பயன்படுத்தி ATM-ல் பணம் எடுக்கலாம்!!
