விடியற்காலையின் அமைதியான சூழல், பறவைகளின் ஓசை, காற்றில் பரவும் மெல்லிய ஒலி என அதிகாலை வாக்கிங் போவது ஒரு புத்துணர்ச்சியை அள்ளித் தரக் கூடியது. அதிலும் வெறும் வயிற்றில் வாக்கிங் போவது உங்களுக்கு பல நன்மைகளை அளிக்கும். காலை உணவுக்கு முன் விறுவிறுப்பான 30 நிமிட நடைப்பயணத்தில் ஈடுபடுவது, உங்கள் உடலில் வியக்கத்தக்க மாற்றங்களை ஏற்படுத்தும்
முதலாவதாக, வெறும் வயிற்றில் நடக்கும் போது, உங்கள் உடலின் கொழுப்புகளை சிறப்பாக கரைக்க இயலும். காலை உணவை உண்பதற்கு முன் உடற்பயிற்சி செய்வது கொழுப்பு ஆக்சிஜனேற்றத்தை அதிகரிக்கும் என்று ஆய்வுகள் குறிப்பிடுகின்றன, அதாவது உங்கள் நடைப்பயணத்தின் போது ஆற்றலை பெற எரிபொருளுக்காக அதிக கொழுப்பை எரிக்கிறீர்கள்.
வளர்சிதை மாற்றத்தை அதிகரிக்கிறது
வெறும் வயிற்றில் காலை நடைப்பயிற்சி உங்கள் வளர்சிதை மாற்றத்தை இயக்குகிறது. இது உங்கள் மெட்டபாலிஸத்தை மேம்படுத்தி, உங்கள் உடல் நாள் முழுவதும் ஊட்டச்சத்துக்களை திறம்பட உறிஞ்சிக் கொண்டு மற்றும் பயன்படுத்த அனுமதிக்கிறது. இந்த மேம்படுத்தப்பட்ட வளர்சிதை மாற்ற நிலை உடல் பருமனை குறைத்தல் (Weight Loss Tips) மற்றும் ஒட்டுமொத்த ஆற்றல் நிலைகளுக்கு குறிப்பிடத்தக்க பங்களிப்பை அளிக்கும்.
ரத்தத்தில் உள்ள சர்க்கரை அளவை சீராக்கும்
இரத்த சர்க்கரை அளவைப் பற்றி கவலைப்படுபவர்களுக்கு, காலை நடைபயிற்சி குறிப்பாக பயனுள்ளதாக இருக்கும். உணவு உண்பதற்கு முன் காலை நடைபயிற்சி இன்சுலின் உணர்திறனை மேம்படுத்த உதவுகிறது. சிறந்த அளவில் இரத்த சர்க்கரை கட்டுப்பாட்டில் இருக்க உதவுகிறது என்று ஆராய்ச்சி கூறுகிறது. இது குளுக்கோஸ் அளவை உறுதிப்படுத்த உதவுகிறது, இன்சுலின் எதிர்ப்பு மற்றும் வகை 2 நீரிழிவு அபாயத்தைக் குறைக்கிறது.
மன நலத்தை மேம்படுத்தும் வாக்கிங்
காலை நடைபயிற்சிக்கான பலன்கள் எண்ணிலங்காதவை. அமைதியான நேரத்தில் காலை நடைப்பயிற்சி செய்வது ஒரு நம்பமுடியாத அளவிற்கு மன நலத்தை மேம்படுத்த உதவும். இது சுயபரிசோதனைக்கான வாய்ப்பை வழங்குகிறது. உங்கள் மனதில் உள்ள எதிர்மறை எண்ணங்களை அழிக்கவும், நாளுக்கு நேர்மறையான எண்ணங்களை வளர்த்துக் கொள்ளவும் உங்களுக்கு உதவுகிறது. உடற்பயிற்சியின் போது எண்டோர்பின்களின் வெளியீடு, மகிழ்ச்சியான உணர்வுகளை தூண்டி, கவலை மற்றும் மனச்சோர்வு உணர்வுகளை குறைக்கிறது.
மேலும் படிக்க | தினமும் கிராம்பு டீ குடிங்க... இதுல இருக்கு ஏகப்பட்ட நன்மைகள்
இதய ஆரோக்கியத்தை பலப்படுத்தும் வாக்கிங்
தொடர்ந்து காலை நடைப்பயிற்சி உங்கள் இருதய அமைப்புக்கு அதிசயங்களைச் செய்யும். காலை வெறும் வயிற்றில் வாக்கிங் இரத்த அழுத்தம் குறைவதற்கும் இதய ஆரோக்கியத்தை மேம்படுத்துவதற்கும் பங்களிக்கிறது என்று ஆய்வுகள் தெரிவிக்கின்றன. இந்த நடைபயிற்சியை உங்கள் அன்றாட வழக்கத்தில் இணைத்துக்கொள்வதன் மூலம், இதய நோய் மற்றும் பக்கவாதம் ஏற்படும் அபாயத்தை நீங்கள் தீவிரமாகக் குறைக்கிறீர்கள்.
செரிமானத்தை மேம்படுத்தும் வாக்கிங்
நடைபயிற்சியின் மென்மையான இயக்கம் செரிமானத்தைத் தூண்ட உதவுகிறது. இது உங்கள் அடிவயிற்றில் உள்ள தசைகளின் இயற்கையான சுருக்கத்தை ஊக்குவிக்கிறது, செரிமான பாதை வழியாக உணவை நகர்த்த உதவுகிறது. அஜீரணம் அல்லது வீக்கத்தால் சிரமப்படுபவர்கள் காலை நடைப்பயிற்சி செய்வதன் மூலம் நிவாரணம் பெறலாம்.
உங்கள் காலை நடைபயிற்சியை திறம்பட செய்வதற்கான சில டிப்ஸ்
நீரேற்றத்துடன் இருங்கள்: வெறும் வயிற்றில் நடப்பது சிறந்தது பரிந்துரைக்கப்பட்டாலும், வெளியே செல்வதற்கு முன் போதுமான அளவு தண்ணீர் குடிக்க வேண்டும் அல்லது, தண்ணீர் பாட்டில் உடன் எடுத்து செல்ல வேண்டும் என்பதை உறுதிப்படுத்திக் கொள்ளுங்கள்.
வசதியான காலணிகளை அணியுங்கள்: உங்கள் நடை பயிற்சியின் போது ஏதேனும் அசௌகரியம் அல்லது காயங்களைத் தடுக்க சரியான பாதணிகளை பயன்படுத்துங்கள்.
சரியான நிலையை பராமரிக்கவும்: பயனுள்ள நடைக்கு உங்கள் முதுகை நேராகவும் தோள்களை தளர்வாகவும் வைத்திருங்கள்.
படிப்படியாக தீவிரத்தை அதிகரிக்கவும்: உங்களுக்கு ஏற்ற வசதியான வேகத்துடன் தொடங்கவும், காலப்போக்கில் உங்கள் வேகத்தையும் கால அளவையும் படிப்படியாக அதிகரிக்கவும்.
மேலும் படிக்க | குழந்தைகளின் எதிர்கால ஆரோக்கியத்தை உறுதிபடுத்தும் வைட்டமின் பி12 நிறைந்த பழங்கள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
