புதுடெல்லி: வங்கிக் கடன் பெற்றவர்களின் பண்டிகை கால மகிழ்ச்சியை மேலும் அதிகரிக்கும் வகையில், உச்சநீதிமன்றத்திற்கு (Supreme Court) அளித்த வாக்குமூலத்தில், கூட்டு வட்டி மற்றும் தனி வட்டிக்கு இடையிலான வேறுபாட்டு தொகை நவம்பர் 5 ஆம் தேதிக்குள் கடன் வாங்கியவர்களின் கணக்கில் டெபாசிட் செய்யப்படும் என்று மத்திய அரசு கூறியுள்ளது.
2020 ஆம் ஆண்டு மார்ச் 1 முதல் ஆகஸ்ட் 31 வரையிலான காலத்திற்கு குறிப்பிட்ட கடன் கணக்குகளில் கடன் வாங்கியவர்களால் வட்டி தள்ளுபடி திட்டத்தை பெற முடியும் என்று கூறியுள்ள கடனுதவி வழக்கு தொடர்பாக மத்திய அரசு உச்சநீதிமன்றத்தில் தனது விரிவான பிரமாணப் பத்திரத்தை தாக்கல் செய்துள்ளது.
இந்த முடிவு நிதி அமைச்சகத்தினால் (Ministry of Finance) எடுக்கப்பட்டது. இதற்கு அக்டோபர் 21 அன்று நடைபெற்ற கூட்டத்தில் மத்திய அமைச்சரவை ஒப்புதல் அளித்துள்ளது. இடைக்காலத் திட்டத்தைப் பெறாமல், தங்களுடைய கடன்களை திருப்பிச் செலுத்தியவர்களுக்கு வட்டி தள்ளுபடி திட்டம் பொருந்தும் என்று மத்திய அரசு தெரிவித்துள்ளது.
நவம்பர் 2 ம் தேதி வட்டிக்கு வட்டி தள்ளுபடி செய்வதற்கான திசையை கோரும் கடன் தடை மனுக்களை உச்ச நீதிமன்றம் விசாரிக்க உள்ளது.
மத்திய அரசின் அஃபிடவிட் என்ன கூறுகிறது
மத்திய அரசு தாக்கல் செய்த பிரமாணப் பத்திரம், நிதி அமைச்சகம் மூலம், கடன் வாங்குபவர்களில் பெரும் பகுதியினருக்கு நிவாரணம் அளிக்கிறது. நவம்பர் 5 ஆம் தேதிக்குள், கூட்டு வட்டி மற்றும் தனி வட்டி ஆகியவற்றுக்கு இடையேயான வித்தியாச தொகை கடன் வாங்கியவர்களின் கணக்கில் டெபாசிட் செய்யப்படும் என்று இதில் கூறப்பட்டுள்ளது.
ALSO READ: Diwali gift: 2 கோடி வரையிலான கடனுக்கு வட்டிக்கு வட்டி தள்ளுபடி
இதன் மூலம் யார் பயனடைவார்கள்?
மார்ச் 1 முதல் ஆகஸ்ட் 31, 2020 வரை கடன் வாங்கியவர்களுக்கு இதில் நன்மை கிடைக்கும். இந்த திட்டத்தின் கீழ், அனைத்து கடன் வழங்கும் நிறுவனங்களும், மார்ச் 1, 2020 மற்றும் ஆகஸ்ட் 31, 2020 க்கு இடைப்பட்ட காலத்திற்கான கூட்டு வட்டி மற்றும் தனி வட்டிக்கு இடையிலான வித்தியாச தொகையை கடன் பெற்றவர்களின் அகௌண்டுகளில் செலுத்த வேண்டும் என்று மத்திய அரசின் (Central Government) அஃபிடவிட்டில் கூறப்பட்டுள்ளது.
தொகையை யார் செலுத்துவார்கள்?
கடன் வழங்கும் ஒவ்வொரு நிறுவனமும் இந்தத் தொகையை இதற்கு தகுதி பெறும் வாடிக்கையாளர்களின் கணக்கில் செலுத்தும்.
லோன் மொராட்டோரியம் என்றால் என்ன?
நாட்டில் கொரோனா வைரஸ் தொற்றுநோய் பரவியதை அடுத்து, இந்திய ரிசர்வ் வங்கி மார்ச் மாதத்தில் EMI மற்றும் கிரெடிட் கார்டு கட்டணங்களை திருப்பிச் செலுத்துவதை மூன்று மாதங்களுக்கு நிறுத்தி வைத்தது. மத்திய வங்கி பின்னர் ஆகஸ்ட் 31 வரை தடைக்காலத்தை நீட்டித்தது. வழிகாட்டுதல்களில் குறிப்பிடப்பட்டுள்ள தகுதி அளவுகோல்களின்படி, பிப்ரவரி 29 ஆம் தேதி வரை கணக்குகள் சீரானவையாக இருக்க வேண்டும். அதாவது அவை செயல்படாத சொத்தாக (NPA) இருக்கக்கூடாது.
வீட்டுக் கடன், கல்வி கடன்கள், கிரெடிட் கார்டு பாக்கிகள், வாகன கடன்கள், MSME கடன்கள், நுகர்வோர் நீடித்த கடன்கள் மற்றும் நுகர்வு கடன்கள் ஆகியவை இந்த திட்டத்தின் கீழ் வரும்.
ALSO READ: Loan Moratorium: கடன் தவணை சலுகையில் வட்டிக்கு வட்டி செலுத்துவதிலிருந்து விலக்கு..!!!
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
