ஒவ்வொரு மாதமும், ஒரு ஊழியரின் ஊழியர் வருங்கால வைப்பு நிதிக்கான பணம் அவர்களின் சம்பளக் கணக்கில் இருந்து கழிக்கப்படும். அதனுடன், நீங்கள் வேலை பார்க்கும் நிறுவனம் அல்லது முதலாளியும் தங்கள் ஊழியர்களின் பிஎஃப் கணக்குகளுக்குப் பணத்தைச் செலுத்துகிறார். உங்கள் சம்பளத்தில் இருந்து ஒரு குறிப்பிட்ட தொகையை கழிப்பதன் மூலம் முதலாளி ஒவ்வொரு மாதமும் PF பணத்தை டெபாசிட் செய்கிறார், அதன் மீது உங்களுக்கு வருடாந்திர வட்டி கிடைக்கும். பொதுவாக, PF கணக்கு என்பது சம்பளம் பெறுபவரின் ஓய்வூதிய நிதியை உருவாக்குவதன் நோக்கிய சேமிப்பாகும். பிஎஃப் கணக்கிற்கு மோடி அரசாங்கம் 2022-23 நிதியாண்டிற்கு 8.15 சதவீத வட்டியை அளிப்பதாக முன்னர் அறிவித்தது. இது கடந்த மூன்று ஆண்டுகளில் இல்லாத அதிகபட்ச வட்டி விகிதமாகும்.
EPF கணக்கிற்கான பணம் எப்படி கழிக்கப்படுகிறது?
எந்தவொரு பணியாளரின் அடிப்படை ஊதியம் மற்றும் அகவிலைப்படியின் பன்னிரண்டு சதவீத தொகை, உங்கள் சம்பளத்தில் இருந்து பிடித்தம் செய்யப்பட்டு பிஎஃப் கணக்கில் டெபாசிட் செய்யப்படுகிறது. நிறுவனம் ஊழியர்களின் பிஎஃப் கணக்கில் தனது தரப்பில் இருந்து 12 சதவீத பங்களிப்பையும் டெபாசிட் செய்கிறது. நிறுவனத்தின் பங்களிப்பில், 3.67 சதவீதம் இபிஎஃப் கணக்கில் வரவு வைக்கப்பட்டுள்ளது. அதே நேரத்தில், ஓய்வூதியத் திட்டத்தில் 8.33 சதவீதம் பணம் டெபாசிட் செய்யப்படுகிறது. பணம் டெபாசிட் செய்யப்படுகிறதா இல்லையா என்பதை எப்படி அறிவது?
ஆனால் என்ன நடக்கிறது என்றால், நமது பிஎஃப் கணக்கில் எவ்வளவு பணம் டெபாசிட் செய்யப்பட்டுள்ளது என்பதை பல மாதங்களாக சரிபார்ப்பதில்லை. அதெல்லாம் ஒருபுறம் இருக்க, நாம் EPFO தளத்தில் லாகின் செய்து, தளத்திற்கு சென்று உள்நுழைவது கூட இல்லை. அத்தகைய சூழ்நிலையில், உங்கள் நிறுவனம் EPF பணம் டெபாசிட் செய்யப்படுகிறதா இல்லையா என்பதை நீங்கள் எப்படி அறிவீர்கள்? எஸ்எம்எஸ் மூலம் PF கணக்கிற்கான கழிக்கப்பட்ட பணத்தைப் பற்றிய தகவலைப் பெறுவீர்கள் அல்லது வேறு சில வழிகளில் நீங்கள் சரிபார்க்க வேண்டும்.
நிறுவனத்தால் பணம் டெபாசிட் செய்யப்பட்டுள்ளதா இல்லையா சர்பார்க்கும் முறை
இபிஎஃப் கணக்கை சரிபார்க்க, உங்கள் EPF கணக்கின் பாஸ்புக்கை நீங்கள் சரிபார்க்க வேண்டும். உங்கள் பாஸ்புக்கில் எப்போது எவ்வளவு பணம் டெபாசிட் செய்யப்பட்டது என்ற விவரங்கள் இருக்கும். EPFO போர்ட்டலைப் பார்வையிடுவதன் மூலம் இதை நீங்கள் சரிபார்க்கலாம், இதற்கான வழிமுறைகள் கீழே கொடுக்கப்பட்டுள்ளன.
EPFO போர்ட்டலில் பாஸ்புக்கை சரிபார்க்கும் முறை
வழிமுறை 1- முதலில், https://www.epfindia.gov.in/site_en/index.php என்ற EPFO போர்ட்டலுக்குச் செல்லவும். இதற்கு, உங்களின் UAN (யுனிவர்சல் அக்கவுன்ட் எண்) செயல்படுத்தப்பட்டிருக்க வேண்டும்.
வழிமுறை 2- தளம் திறந்தவுடன், 'எங்கள் சேவைகள்' தாவலுக்குச் சென்று, 'பணியாளர்களுக்கான' கீழ்தோன்றும் மெனுவைத் தேர்ந்தெடுக்கவும்.
வழிமுறை 3- சேவை நெடுவரிசைக்கு கீழே உள்ள 'உறுப்பினர் பாஸ்புக்' என்பதைக் கிளிக் செய்யவும்.
வழிமுறை 4- அடுத்த பக்கத்தில், உங்கள் UAN மற்றும் கடவுச்சொல்லை உள்ளிட வேண்டும். கேப்ட்சாவை உள்ளிட்டு உள்நுழைக.
வழிமுறை 5- உள்நுழைந்த பிறகு, உறுப்பினர் ஐடியை உள்ளிடவும். அதன் பிறகு, உங்கள் EPF இருப்பு தெரியும். இதில், கணக்கு இருப்பு, அனைத்து வைப்புத்தொகை விவரங்கள், நிறுவன ஐடி, உறுப்பினர் ஐடி, அலுவலக பெயர், பணியாளர் பங்கு மற்றும் முதலாளி பங்கு பற்றிய தகவல்களையும் பெறுவீர்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
