க்ருஹ லக்ஷ்மி திட்டத்தால் அரசுக்கு ஆண்டுக்கு 30,000 கோடி ரூபாய் செலவாகும் என எதிர்பார்க்கப்படுவதாக மத்திய பெண்கள் மற்றும் குழந்தைகள் நலத்துறை அமைச்சர் லக்ஷ்மி ஹெப்பால்கர் தெரிவித்துள்ளார். குடும்பத் தலைவிகளுக்கு மாதந்தோறும் ரூ.2,000 உதவித் தொகை வழங்கப்படும் க்ருஹ லக்ஷ்மி திட்டத்திற்கான விண்ணப்பங்கள் ஜூன் 16-ஆம் தேதி முதல் பெறப்படுவதாக கர்நாடக அரசு அறிவித்துள்ளது.
க்ருஹ லக்ஷ்மி திட்டம் 2023: எப்படி விண்ணப்பிப்பது?
சக்தி பவனில் சேவா சிந்து போர்ட்டலை முதல்வர் சித்தராமையா தொடங்கி வைத்தார், பயனாளிகள் விண்ணப்பங்களை இப்போதே சமர்ப்பிக்கலாம். க்ருஹ லக்ஷ்மி திட்டத்தின் பயனாளிகள் ஆன்லைனிலும் ஆஃப்லைனிலும் விண்ணப்பத்தைச் சமர்ப்பிக்கலாம். பிபிஎல் மற்றும் அந்த்யோதயா அட்டை வைத்திருப்பவர்கள் விண்ணப்பங்களை சமர்ப்பிக்கலாம். சேவா சிந்து போர்ட்டல், பெங்களூரு ஒன், கர்நாடகா ஒன் மற்றும் கிராம ஒன் மையங்களில் அவர்கள் விண்ணப்பங்களை இலவசமாக சமர்ப்பிக்கலாம். வரி செலுத்துவோரின் விண்ணப்பங்கள் நிராகரிக்கப்படும், மேலும் உண்மையை மறைக்க முடியாது.
மேலும் படிக்க | Indian Railways: விளையாட்டுக்கு கூட இதையெல்லாம் செய்யாதீங்க... அப்புறம் ஜெயில் தான்!
க்ருஹ லக்ஷ்மி திட்டம் 2023: விண்ணப்பிக்க தேவையான ஆவணங்கள்?
விண்ணப்பதாரர்கள் அவரது மற்றும் கணவரின் ஆதார் அட்டையை வழங்க வேண்டும். ஏதேனும் சந்தேகங்களுக்கு, 1902 என்ற உதவி எண்ணை அழைக்கலாம்.
க்ருஹ லக்ஷ்மி திட்டம் 2023: விண்ணப்பிக்க கடைசி தேதி?
விண்ணப்பத்தை சமர்ப்பிப்பதற்கான கடைசி தேதி எதுவும் இல்லை. விண்ணப்பங்களைப் பெறுவதற்கான செயல்முறை ஆண்டு முழுவதும் இருக்கும்.
க்ருஹ லக்ஷ்மி திட்டம் 2023: விண்ணப்பிக்க நேரடி இணைப்பு
நீங்கள் Gruha Laxmi Scheme 2023க்கு தகுதி பெற்றிருந்தால், Gruha Laxmi Scheme 2023க்கான கர்நாடக அரசின் நேரடி இணையதளத்தைப் பார்வையிடலாம் https://sevasindhu.karnataka.gov.in/Sevasindhu/English.
கர்நாடகா மாநில சட்டசபைத் தேர்தலில் காங்கிரஸ் கட்சி 135 தொகுதிகளில் வெற்றி பெற்று தனிப்பெரும்பான்மையுடன் ஆட்சியை கைப்பற்றிய நிலையில், அம்மாநில முதலமைச்சராக சித்தராமையாவும், துணை முதலமைச்சராக டிகே சிவக்குமாரும் பதவியேற்று உள்ளார்கள். இந்நிலையில், கர்நாடகா சட்டசபைத் தேர்தலில் காங்கிரஸின் முக்கிய தேர்தல் வாக்குறுதிகளில் ஒன்றான மகளிருக்கு இலவச அரசு பேருந்து திட்டத்தை செயல்படுத்த உத்தரவு பிறப்பித்துள்ளது. அரசின் உத்தரவின்படி, இத்திட்டத்தின் பயனாளிகள் கர்நாடகாவை வசிப்பிடமாக கொண்டிருக்க வேண்டும். பெண்களுடன், திருநங்கைகளும் 'சக்தி' திட்டத்தைப் பயன்படுத்திக் கொள்ளலாம். இத்திட்டத்தின் பயனாளிகள் மாநிலத்திற்குள் மட்டுமே பயணிக்க முடியும், எந்த மாநிலங்களுக்கு இடையேயான பேருந்துகளிலும் பயணிக்க முடியாது. ராஜஹம்சா, ஏசி அல்லாத ஸ்லீப்பர், வஜ்ரா, வாயு வஜ்ரா, ஐராவத், ஐராவத் கிளப் கிளாஸ், ஐராவத் கோல்ட் கிளாஸ், அம்பாரி, அம்பாரி ட்ரீம் கிளாஸ், அம்பரி உத்சவ் ஃப்ளை பஸ், ஈவி பவர் பிளஸ் போன்ற அனைத்து சொகுசு பேருந்துகளும், இந்த திட்டத்தின் கீழ் வராது என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
