ഡൽഹി നാഷണൽ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ നോൺ ടീച്ചിംഗ് തസ്തികകളിലേക്ക് അപേക്ഷ ക്ഷണിച്ചു. 27 തസ്തികകളിലേക്കാണ് നിയമനം. താത്പര്യമുളള ഉദ്യോഗാർത്ഥികൾ NIT ഡൽഹിയുടെ ഔദ്യോഗിക സൈറ്റ് nitdelhi.ac.in സന്ദർശിച്ച് ഓൺലൈനായി അപേക്ഷിക്കണം. ഉദ്യോഗാർഥികൾക്ക് അപേക്ഷിക്കാനുള്ള അവസാന തീയതി ഏപ്രിൽ 29 ആണ്.
ഈ റിക്രൂട്ട്‌മെന്റിനിൽ തസ്തികകൾ ഗ്രൂപ്പ് എ- 3, ഗ്രൂപ്പ് ബി- 11, ഗ്രൂപ്പ് സി- 13 എന്നിങ്ങനെയാണ് തിരിച്ചിരിക്കുന്നത്. റിക്രൂട്ട്‌മെന്റുമായി ബന്ധപ്പെട്ട കൂടുതൽ വിവരങ്ങൾക്ക് താൽപ്പര്യമുള്ള ഉദ്യോഗാർത്ഥികൾക്ക് ഔദ്യോഗിക അറിയിപ്പ് കാണാം.
ഒഴിവുകളുടെ വിശദാംശങ്ങൾ
ഗ്രൂപ്പ് എ - എക്സിക്യൂട്ടീവ് എഞ്ചിനീയർ - 1 തസ്തിക, അസിസ്റ്റന്റ് രജിസ്ട്രാർ - 1 തസ്തിക, മെഡിക്കൽ ഓഫീസർ - 1 തസ്തിക.
ഗ്രൂപ്പ് ബി - ടെക്നിക്കൽ അസിസ്റ്റന്റ് - 4 തസ്തികകൾ, സൂപ്രണ്ട് - 3 തസ്തികകൾ, പേഴ്സണൽ അസിസ്റ്റന്റ് - 1 തസ്തിക, അസിസ്റ്റന്റ് - 1 തസ്തിക.
ഗ്രൂപ്പ് സി - ടെക്നീഷ്യൻ - 3 തസ്തികകൾ, അസിസ്റ്റന്റ് - 3 തസ്തികകൾ, ഫാർമസിസ്റ്റ് - 1 തസ്തിക, സീനിയർ അസിസ്റ്റന്റ് - 1 തസ്തിക, സീനിയർ ടെക്നീഷ്യൻ - 2 തസ്തികകൾ, ടെക്നീഷ്യൻ - 1 പോസ്റ്റ്, ഓഫീസ് അറ്റൻഡന്റ് - 2 തസ്തികകൾ.
ശമ്പളം
തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് പേ സ്‌കെയിൽ-10 പ്രകാരം പ്രതിമാസം 56,100 രൂപ മുതൽ 1,77,500 രൂപ വരെ ശമ്പളം നൽകും. ഗ്രൂപ്പ് ബി ഉദ്യോഗാർത്ഥികൾക്ക് പേ സ്‌കെയിൽ - 6,8,9 പ്രകാരം 35,400 രൂപ മുതൽ 1,67,800 രൂപ വരെയും ഗ്രൂപ്പ് സി പ്രകാരം പേ സ്‌കെയിൽ - 1,3,4,5 പ്രകാരം 18,000 മുതൽ 92,300 രൂപ വരെയും ലഭിക്കും.
അപേക്ഷിക്കേണ്ട വിധം
അപേക്ഷിക്കാൻ ആഗ്രഹിക്കുന്ന ഉദ്യോഗാർത്ഥികൾ അപേക്ഷാ ഫീസ് അടയ്‌ക്കേണ്ടതാണ്. യുആർ/ഒബിസി/ഇഡബ്ല്യുഎസ് ഉദ്യോഗാർത്ഥികൾക്ക് 1000 രൂപയും എസ്‌സി/എസ്ടി വിഭാഗക്കാർക്ക് 500 രൂപയുമാണ് അപേക്ഷാ ഫീസ്. പിഡബ്ല്യുഡി/വനിതാ ഉദ്യോഗാർത്ഥികളിൽ നിന്ന് യാതൊരു ഫീസും ഈടാക്കില്ല.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക
