എല്ലാ വര്‍ഷവും ജൂലൈ 22 ലോക ബ്രെയിൻ ഡേ ദിനമായി ആചരിച്ച് വരുന്നു. തലച്ചോറിന്റെ ആരോഗ്യത്തെ കുറിച്ചും തലച്ചോറിന്റെ ആരോഗ്യം മികച്ചതായി നിലനിർത്തേണ്ടതിന്റെ പ്രധന്യത്തെക്കുറിച്ചും ഓർമ്മിപ്പിക്കുന്നതിനാണ് ഈ ദിനം ആചരിക്കുന്നത്. നമ്മുടെ ശരീരത്തിലെ വളരെ പ്രധാനപ്പെട്ട അവയവമാണ് ബ്രെയിൻ. മസ്തിഷ്കം ശരിയായി പ്രവർത്തിക്കാനും ആരോഗ്യത്തോടെ നിലനിർത്താനും പോഷകങ്ങള്‍ അടങ്ങിയ ഭക്ഷണക്രമം പാലിക്കേണ്ടത് പ്രധാനമാണ്.
വിറ്റാമിനുകൾ, ധാതുക്കൾ, ആന്റി ഓക്‌സിഡന്റുകൾ, ഒമേഗ-3 ഫാറ്റി ആസിഡുകൾ തുടങ്ങിയവ തുടങ്ങിയവ ഭക്ഷണത്തിൽ ഉൾപ്പെടുത്തുന്നത് തലച്ചോറിന്റെ ആരോഗ്യം മികച്ചതായി നിലനിർത്താൻ സഹായിക്കും. ഇവ ഭക്ഷണത്തിൽ ഉൾപ്പെടുത്തിയാൽ അൽഷിമേഴ്സ്, ഡിമെൻഷ്യ എന്നിവയ്ക്കുള്ള സാധ്യത കുറയുമെന്നും പഠനങ്ങൾ വ്യക്തമാക്കുന്നു. വേണ്ടത്ര പോഷകങ്ങൾ അടങ്ങിയിട്ടില്ലാത്ത ഭക്ഷണരീതി പിന്തുടരുന്നവരിൽ ഓർമശക്തി കുറയുന്നതായും മറ്റ് ആരോഗ്യ പ്രശ്നങ്ങൾക്കുള്ള സാധ്യത വർധിക്കുന്നതായും കണ്ടെത്തിയതായും പഠനങ്ങളിൽ വ്യക്തമാക്കുന്നു.
ഫാറ്റി ഫിഷ്: ഒമേഗ -3 ഫാറ്റി ആസിഡ് അടങ്ങിയ സാല്‍മണ്‍ പോലുള്ള മത്സ്യങ്ങള്‍ ഭക്ഷണത്തിൽ ഉള്‍പ്പെടുത്തുന്നത് ഡിമെൻഷ്യ, അൽഷിമേഴ്സ്, ഓർമ്മക്കുറവ് എന്നിവയുടെ സാധ്യത കുറയ്ക്കും. തലച്ചോറിന്റെ ആരോഗ്യത്തിന് ഇവ മികച്ചതാണ്.
മുട്ട: മുട്ടയിൽ പ്രോട്ടീനുകളും വിറ്റാമിനുകളും ധാരാളമായി അടങ്ങിയിട്ടുണ്ട്. ഇവ തലച്ചോറിന്റെ ആരോഗ്യത്തെ സംരക്ഷിക്കാന്‍ വളരെയധികം സഹായിക്കുന്ന ഘടകങ്ങളാണ്.
തൈര്: പ്രോബയോട്ടിക് ഭക്ഷണമായതിനാൽ തന്നെ തൈര് തലച്ചോറിന്റെ ആരോഗ്യത്തിന് വളരെ ഗുണം ചെയ്യുന്ന ഒന്നാണ്. തൈര് ദിവസവും ഭക്ഷണത്തിൽ ഉള്‍പ്പെടുത്തുന്നത് ദഹനം മെച്ചപ്പെടുത്താനും വയറു സംബന്ധമായ പ്രശ്നങ്ങൾ കുറയ്ക്കാനും കുടലിന്‍റെ ആരോഗ്യം മികച്ചതായി നിലനിർത്താനും സഹായിക്കും.
ചീര: ചീര പോഷക സമ്പന്നമായ ഭക്ഷണമാണ്. ഫോളേറ്റ്, പ്രോട്ടീന്‍, മഗ്നീഷ്യം, വിറ്റാമിന്‍ ബി, സി തുടങ്ങിയവ ചീരയിൽ ധാരാളമായി അടങ്ങിയിട്ടുണ്ട്. അതിനാൽ, ചീര തലച്ചോറിന്റെ ആരോഗ്യത്തിന് വളരെയധികം ഗുണം ചെയ്യും. ചീര കഴിക്കുന്നത് ശരീരത്തിന്‍റെ മൊത്തത്തിലുള്ള ആരോഗ്യത്തിനും നല്ലതാണ്.
ബ്ലൂബെറി: ആന്റി ഓക്സിഡന്‍റുകളാൽ സമ്പന്നമാണ് ബ്ലൂബെറി. ആന്റി ഓക്സിഡന്റ് ഗുണങ്ങൾ ഉള്ളതിനാൽ തന്നെ, ഇവ തലച്ചോറിന്റെ ആരോഗ്യത്തിന് മികച്ചതാണ്.
മത്തങ്ങ: മത്തങ്ങയിൽ ഒമേഗ 3 ഫാറ്റി ആസിഡ്, വിറ്റാമിന്‍ എ, ബി, സി, പൊട്ടാസ്യം, മഗ്നീഷ്യം തുടങ്ങിയവ അടങ്ങിയിട്ടുണ്ട്. ഇവ തലച്ചോറിന്റെ ആരോഗ്യത്തിന് മികച്ചതാണ്.
പയറുവർഗങ്ങൾ: ബീൻസ് ഉൾപ്പെടെയുള്ള പയറുവർഗങ്ങൾ കുട്ടികള്‍ക്ക് നല്‍കുന്നത് അവരുടെ തലച്ചോറിന്റെ ആരോഗ്യം മികച്ചതാക്കാൻ ഗുണം ചെയ്യും. മഗ്നീഷ്യം, സിങ്ക്, ഫൈബർ, ആന്റി ഓക്‌സിഡന്റുകൾ, ഫോളേറ്റ് എന്നിവയുൾപ്പെടെ തലച്ചോറിന്റെ ആരോഗ്യത്തിന് ഗുണം ചെയ്യുന്ന നിരവധി പോഷകങ്ങള്‍ അടങ്ങിയ ഭക്ഷണങ്ങളാണ് പയറുവർഗങ്ങൾ.
തക്കാളി: തക്കാളി കഴിക്കുന്നത് തലച്ചോറിന്റെ ആരോഗ്യത്തിന് വളരെയധികം ഗുണം ചെയ്യും. തക്കാളിയിൽ കാണപ്പെടുന്ന ശക്തമായ ആന്റിഓക്‌സിഡന്റായ ലൈക്കോപീൻ ഡിമെൻഷ്യ, അൽഷിമേഴ്സ് എന്നിവയ്ക്കുള്ള സാധ്യത കുറയ്ക്കാൻ സഹായിക്കുമെന്ന് പഠനങ്ങൾ വ്യക്തമാക്കുന്നു.
ഡാര്‍ക്ക് ചോക്ലേറ്റ്: ഡാർക്ക് ചോക്ലേറ്റ് കഴിക്കുന്നത് തലച്ചോറിന്റെ ആരോഗ്യത്തിന് ഗുണം ചെയ്യുമെന്ന് വിവിധ പഠനങ്ങൾ വ്യക്തമാക്കുന്നു. ആന്റി ഓക്സിഡന്‍റുകള്‍ അടങ്ങിയ ഡാർക്ക് ചോക്ലേറ്റ് തലച്ചോറിന്റെ ആരോഗ്യത്തിന് മികച്ചതാണ്.
നട്സ്: വിറ്റാമിനുകളും ആരോഗ്യകരമായ കൊഴുപ്പും അടങ്ങിയ നട്സ് കുട്ടികളുടെ ബുദ്ധിവികാസത്തിന് നല്ലതാണ്. നട്സ് ഭക്ഷണത്തിൽ ഉൾപ്പെടുത്തുന്നത് തലച്ചോറിന്റെ ആരോഗ്യം മികച്ചതായി നിലനിർത്താൻ ഗുണം ചെയ്യും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
