બધા જોતા રહ્યાં અને ભાજપે રૂપાણીનું દિલ્હીમાં વધારી દીધું કદ, પંજાબ બાદ હવે આ 2 મોટી જવાબદારી સોંપી
Vijay Rupani In Delhi BJP : પંજાબ બાદ હવે ગુજરાતના પૂર્વ મુખ્યમંત્રી વિજય રૂપાણી દિલ્હીમાં પ્રવેશ્યા છે. પાંચ વર્ષથી વધુ સમય સુધી ગુજરાતના મુખ્યમંત્રી રહેલા વિજય રૂપાણીને પાર્ટી દ્વારા અગાઉના પંજાબના પ્રભારી બનાવવામાં આવ્યા
Trending Photos
- 7
- 5
- 6
- 5
)
Gandhinagar News : ભાજપે ગુજરાતના પૂર્વ મુખ્યમંત્રી વિજય રૂપાણીને પંજાબના પ્રભારીની સાથે બે મોટી જવાબદારીઓ સોંપી છે. પાર્ટીએ તેમને 30 મેથી શરૂ થનારા ભવ્ય જનસંપર્ક અભિયાનમાં આઉટરીચ પ્રોગ્રામના સુપરવાઈઝર બનાવ્યા છે, તો બીજી તરફ તેમને AAPના ગઢ દિલ્હીમાં ત્રણ લોકસભા મતવિસ્તારના પ્રભારી પણ બનાવવામાં આવ્યા છે.
પંજાબ બાદ હવે ગુજરાતના પૂર્વ મુખ્યમંત્રી વિજય રૂપાણી દિલ્હીમાં પ્રવેશ્યા છે. પાંચ વર્ષથી વધુ સમય સુધી ગુજરાતના મુખ્યમંત્રી રહેલા વિજય રૂપાણીને પાર્ટી દ્વારા અગાઉના પંજાબના પ્રભારી બનાવવામાં આવ્યા છે. સૂત્રોનું માનીએ તો, વિજય રૂપાણી દિલ્હીની સાતમાંથી ત્રણ લોકસભા બેઠકોના પ્રભારી હશે. રૂપાણીને આમ આદમી પાર્ટીના ગઢમાં એવા સમયે આ જવાબદારી સોંપવામાં આવી છે જ્યારે પૂર્વ મુખ્યમંત્રી વિજય રૂપાણીના સમયમાં 10,000 કરોડના ભ્રષ્ટાચારને લઈને ગુજરાતમાં ખળભળાટ મચી ગયો છે.
શું છે સમગ્ર મામલો
આમ આદમી પાર્ટીનું ગુજરાત એકમ રાજ્યના પૂર્વ મુખ્યમંત્રી વિજય રૂપાણીના સમયમાં થયેલા 10,000 કરોડ રૂપિયાના જમીન અધિગ્રહણની તપાસની માંગ કરી રહ્યું છે. પાર્ટીએ સુરત, અમદાવાદ, જૂનાગઢ અને રાજકોટ જિલ્લાના કલેક્ટરને પત્ર લખીને જમીન અધિગ્રહણની સ્પેશિયલ ઇન્વેસ્ટિગેશન ટીમ (SIT) તપાસની માંગ કરી છે. પાર્ટીના આગેવાનો મહેન્દ્રભાઈ નાવડિયા અને કેતનભાઈ પટેલે સુરતમાં જ્યારે મહિલા મોરચાના વડા રેશ્મા પટેલે જૂનાગઢમાં મેમોરેન્ડમ આપ્યું હતું.
શું છે સમગ્ર મામલો?
AAP નેતાઓએ ગાંધીનગરના કલોલ તાલુકાના મુલાસણા ગામમાં રૂ. 10,000 કરોડના જમીન કૌભાંડમાં ગેરરીતિનો આક્ષેપ કર્યો છે. આ કૌભાંડમાં ખુદ ગાંધીનગર પોલીસે ગુજરાત કેડરના નિવૃત્ત IAS અધિકારી એસ.કે.લાંગા સામે ગુનો નોંધ્યો છે. આ બાબતને ટાંકીને પાર્ટી વિજય રૂપાણીના સમયમાં થયેલી જમીન સંપાદનની તપાસની માંગ કરી રહી છે. આમ આદમી પાર્ટી પહેલા કોંગ્રેસે પણ રૂપાણી પર આક્ષેપો કર્યા હતા. આ અંગે રૂપાણીએ કહ્યું હતું કે અમે જ આ મામલાની તપાસ કરીને કાર્યવાહી કરી હતી. લાંગાનો કેસ તેમાંથી એક છે.
રૂપાણી નિરીક્ષક બન્યા છે
જ્યાં AAP ગુજરાતમાં રૂપાણી વિરુદ્ધ હોબાળો મચાવી રહી છે તો બીજી તરફ રૂપાણીની દિલ્હીમાં એન્ટ્રી થઈ છે. લોકસભા ચૂંટણીને ધ્યાનમાં રાખીને પાર્ટીએ તેમને 30 મેથી શરૂ થનારા વિશેષ આઉટરીચ પ્રોગ્રામના સુપરવાઈઝર તરીકે નિયુક્ત કર્યા છે. એક મહિનાના અભિયાનમાં પાર્ટી પીએમ મોદીની નવ વર્ષની સિદ્ધિઓને ઉજાગર કરશે. મીડિયા રિપોર્ટ્સ અનુસાર, રૂપાણીની બેઠકોમાં ચાંદની ચોક, દિલ્હી નોર્થ-વેસ્ટ અને દિલ્હી સેન્ટ્રલનો સમાવેશ થાય છે. નવી દિલ્હીથી હર્ષવર્ધન અને હંસ રાજ હંસ અને મીનાક્ષી લેખી હાલમાં આ લોકસભા બેઠકો પરથી સાંસદ છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
