Aryaman Birla Net Worth: ఆ యంగ్ క్రికెటర్ ఆడింది కేవలం 9 ఫస్ట్ మ్యాచ్‌లు మాత్రమే. కానీ ఆస్తుల్లో మాత్రం సచిన్ టెండూల్కర్, ఎంఎస్ ధోనీ, విరాట్ కోహ్లీ, రోహిత్ శర్మ వంటి దిగ్గజాలను మించిపోయాడు. ఈ ఐదుగురు ఆస్తులు కలిపినా.. ఆ ప్లేయర్ ఆస్తుల్లో ఐదో వంతు కూడా ఉండవు. అతడే 27 ఏళ్ల ఆర్యమాన్ బిర్లా. ప్రముఖ వ్యాపారవేత్త కుమార మంగళం బిర్లా కుమారుడు. ఈ యంగ్ క్రికెటర్ గురించి పూర్తి వివరాలు ఇలా..
మన దేశ పారిశ్రామిక వృద్ధిలో కుమార్ మంగళం బిర్లా కీలక పాత్ర పోషించారు. బిర్లా గ్రూప్ సిమెంట్, టెక్స్‌టైల్స్, టెలికాం రంగాలను విస్తరించారు. ఆయన కుమారుడు ఆర్యమాన్ బిర్లా చిన్న వయసులోనే క్రికెట్‌లోకి ఎంట్రీ ఇచ్చారు.
మధ్యప్రదేశ్ రంజీ జట్టు తరఫున ఆర్యమాన్ బిర్లా ఆడాడు. ఐపీఎల్‌లో రాజస్థాన్ రాయల్స్ జట్టుకు ఎంపికయ్యాడు. అయితే రెండేళ్లు టీమ్‌తో ఉన్నా ఆడే అవకాశం రాలేదు.
ఆర్యమాన్ ఓ వైపు క్రికెట్ ఆడుతూనే.. ఆదిత్య బిర్లా గ్రూప్ బిజినెస్‌లో భాగమయ్యారు. తమ బిజినెస్ వృద్ధిలో కీలక పాత్ర పోషిస్తున్నారు.
ఆర్యమాన్ నికర విలువ రూ.70 వేల కోట్లు. సచిన్ టెండూల్కర్ (రూ.1,100 కోట్లు), విరాట్ కోహ్లీ (రూ.900 కోట్లు), MS ధోనీ (రూ.800 కోట్లు), రోహిత్ శర్మ (రూ.214 కోట్లు) ఆస్తులు కలిపినా.. ఆర్యమాన్ ఆస్తిలో పావు వంతు కూడా అవ్వదు.
గాయాల కారణంగా క్రికెట్‌కు నిరవధిక విరామం ప్రకటించారు ఆర్యమారన్ బిర్లా. ABFRLలో ప్రస్తుతం డైరెక్టర్‌గా పనిచేస్తున్నారు.
