First Night:పెళ్లి అనేది స్వర్గంలో జరుగుతుంది. మూడు ముళ్లు, ఏడడుగులు, నూరేళ్ల జీవితం. అయితే, పెళ్లి తర్వాత మొదటిరోజు నిర్వహిస్తారు. ఈ కార్యక్రమం కూడా ముహూర్తం ప్రకారం చేసుకుంటారు. ఎందుకంటే వారు ఒకరికి ఒకరై కాలకాలం కలిసి జీవించాలని. కానీ, మీరు ఎప్పుడైనా ఆలోచించారా? ఫస్ట్ నైట్ రోజు పెళ్లికూతుడు గదిలోకి పాలగ్లాసుతో ఎందుకు వస్తుంది?
సంప్రదాయబద్ధంగా నిర్వహించే పెళ్లివేడుకలో ప్రతీది ప్రత్యేకమే. ముఖ్యంగా హిందూ వివాహాల్లో ఎక్కువ ఆచారాలను పాటిస్తూ కొత్తజంటను కలుపుతారు. అందులో భాగమే ఈ ఫస్ట్ నైట్ రోజు పాలగ్లాసుతో వధువు గదిలోకి పంపించడం.
సాధారణంగా అన్నీ సినిమాల్లో కూడా ఫస్ట్ నైట్ రోజు కొత్తపెళ్లి కూతురు పడకగదిలోకి పాల గ్లాసు తీసుకుని వెళ్లడం చూస్తాం. అది కొత్తజంట ఇద్దరూ వాటిని పంచుకుంటారు.
పెళ్లైన కొత్తజంట మధురమైన బంధానికి సంకేతంగా ఇలా పాలు పంచుకుంటారు. ఈ పాలలో కుంకుమపూవు కలుపుతారు. పాలు, కుంకుమపూవు కలపడం అంటే కొత్తజంట తమ ఆలోచనలు, అనుభవాలను రానున్న జీవితాన్ని కూడా పంచుకోబోతున్నట్లు అర్థం.
పాలు మన సంప్రదాయంలో అత్యంత పవిత్రమైందిగా పరిగణిస్తారు. కాబట్టి పెళ్లైన తర్వాత ఫస్ట్ నైట్ రోజు కూడా పాలతోనే ఈ కార్యక్రమాన్ని మొదలుపెడతారు. జంట పాలు నీళ్లలా కలిసి కాపురం చేయాలని కూడా దీని అర్థం.
వైవాహిక జీవితానికి సంబంధించిన సూచనలు కామసూత్రలో ఉన్నాయి. ఇందలో ఫస్ట్ నైట్ పాల గురించిన ప్రస్తావన కూడా ఉంది. పాలు, కుంకుమపూవు, పంచదార, పసుపు కలిపి పాలు తాగాలనే ఉంది.
పాలను మరిగించినప్పుడు శృంగారాన్ని పెంచే అనేక అంశాలను విడుదల చేస్తాయి.దీంతో మానసిక ప్రవాహాన్ని మెరుగుపరచడమే కాకుండా ఒత్తిడిని కూడా తగ్గిస్తాయి. దంపతులకు తగిన శక్తినిచ్చి సాన్నిహిత్యాన్ని పెంచుతాయి.
