Most Sixes In T20 World Cup: T20 ప్రపంచ కప్ 2022 క్రికెట్ అభిమానులకు పూర్తి వినోదాన్ని పంచింది. ఫైనల్ పోరులో పాక్‌ను చిత్తుచేసి ఇంగ్లాండ్ ప్రపంచ కప్‌ను రెండోసారి ముద్దాడింది. ఈ పొట్టి ఫార్మాట్‌లో బ్యాట్స్‌మెన్స్ సిక్సర్లు, ఫోర్లతో అలరించారు. ఈ టోర్నీలో అత్యధిక సిక్సర్లు బాదిన ప్లేయర్లపై ఓ లుక్కేయండి..
జింబాబ్వే ఆల్‌రౌండర్ సికందర్ రజా ఈ ప్రపంచ కప్‌లో అత్యధిక సిక్సర్లు కొట్టి టాప్ ప్లేస్‌లో ఉన్నాడు. ఈ టోర్నీలో మొత్తం 8 మ్యాచ్‌లు ఆడిన సికిందర్.. 11 సిక్సర్లు బాదాడు.
ఇంగ్లండ్‌ ఓపెనర్‌ అలెక్స్‌ హేల్స్ అత్యధిక సిక్సర్లు బాదిన ఆటగాళ్లలో రెండో స్థానంలో నిలిచాడు. హేల్స్ 6 మ్యాచ్‌లు ఆడి.. మొత్తం 10 సిక్సర్లు కొట్టాడు. సెమీ ఫైనల్‌లో భారత్‌పైనే 7 సిక్సర్లు బాదడం విశేషం.
టీ20 ప్రపంచకప్‌లో అత్యధిక సిక్స్‌లు బాదిన బ్యాట్స్‌మెన్లలో శ్రీలంక ప్లేయర్ కుశాల్ మెండిస్ మూడో స్థానంలో నిలిచాడు. మెండిస్ 8 మ్యాచ్‌ల్లో 10 సిక్సర్లు కొట్టాడు.
ఈ ప్రపంచకప్‌లో ఆస్ట్రేలియా క్రికెటర్ మార్కస్ స్టోయినిస్ బ్యాట్‌తో మంచి ప్రదర్శన చేశాడు. స్టోయినిస్ 4 మ్యాచ్‌ల్లో 9 సిక్సర్లు బాదాడు.
ఈ జాబితాలో చోటు దక్కించుకున్న ఏకైక భారత బ్యాట్స్‌మెన్ సూర్యకుమార్ యాదవ్. సూర్యకుమార్ 6 మ్యాచ్‌ల్లో 9 సిక్సర్లు కొట్టాడు. ఈ టోర్నమెంట్‌లో అత్యధిక పరుగులు చేసిన పరంగా మూడో స్థానంలో నిలిచాడు.
