Sai Pallavi Sister Marriage Pics: తాజాగా ప్రముఖ హీరోయిన్ సాయి పల్లవి చెల్లెలు పూజా కన్నన్.. పెళ్లి వేడుకలు చాలా ఘనంగా జరిగాయి. ఈ వేడుకలలో సాయి పల్లవి తన చెల్లెలు పూజకి స్వయంగా మెహందీ వేస్తూ.. అలానే పెళ్లి పనులు అన్నీ చూసుకుంటూ తెగ సందడి చేసింది. అంతేకాదు సాయి పల్లవి చెల్లెలు పూజా.. తన ఇంస్టాగ్రామ్ లో పెళ్లయిన దగ్గర నుంచి రోజు కొన్ని కొన్ని.. ఫోటోలు షేర్ చేస్తూ అందరిని ఆకట్టుకుంటుంది.
టాలీవుడ్ సినీ ఇండస్ట్రీలో తనకంటూ ప్రత్యేకమైన ఇమేజ్ సొంతం చేసుకొని, లేడీ పవర్ స్టార్ గా పేరు అందుకున్న సాయి పల్లవి గురించి ప్రత్యేకంగా చెప్పాల్సిన పనిలేదు. ఫిదా సినిమా ద్వారా శేఖర్ కమ్ముల దర్శకత్వంలో మెగా హీరో ప్రిన్స్ వరుణ్ తేజ్ హీరోగా నటించిన చిత్రంతో ఇండస్ట్రీకి పరిచయమయ్యింది. ఫిదా సినిమాతో ప్రేక్షకులను తన వశం చేసుకున్న ఈ ముద్దుగుమ్మ, ఈ సినిమాలో అద్భుతమైన పర్ఫామెన్స్ తో ఆకట్టుకుంది.
ఇక ఫిదా సినిమా తర్వాత గ్లామర్ పాత్రల జోలికి వెళ్లకుండా సెలెక్టివ్ గా పాత్రలు ఎంచుకుంటూ తనదైన శైలిలో అందరిని ఆకట్టుకుంటోంది. ముఖ్యంగా తెలుగులో స్టార్ హీరోలు అందరి సరసన నటించి మంచి పేరు సొంతం చేసుకున్న ఈమె గ్లామర్ రోల్స్ లో నటించక పోయినా సరే తన నటనతో భారీ పాపులారిటీ సొంతం చేసుకుంది.
ఇకపోతే ఈ మధ్యకాలంలో లవ్ స్టోరీ సినిమా తర్వాత ఈమె నటించిన చిత్రాలు ఏవీ పెద్దగా విజయాన్ని అందించలేదు. ఇక ఇప్పుడు తాజాగా తండేల్ చిత్రంతో ప్రేక్షకుల ముందుకు రాబోతోంది. లవ్ స్టోరీ సినిమా కాంబో మళ్లీ రిపీట్ అవుతుందని చెప్పవచ్చు. నాగచైతన్య సరసన మళ్లీ నటిస్తున్న ఈ ముద్దుగుమ్మ ఈ సినిమాతో ఎలాంటి విజయాన్ని అందుకుంటుందో చూడాలి.
ఇకపోతే బాలీవుడ్లో హిందీ రామాయణంలో సీత క్యారెక్టర్ లో నటిస్తోంది. ఇక మరొకవైపు తన వైద్య వృత్తిని కొనసాగిస్తూ ఎంతోమంది అనాధలకు, పేదలకు తన వంతు సహాయంగా ఉచిత వైద్యాన్ని అందిస్తోంది
ఇకపోతే సాయి పల్లవికి వృత్తిపరమైన జీవితమే కాదు వ్యక్తిగత జీవితంకి కూడా ఎంతో ప్రాధాన్యత ఇస్తూ ఉంటుంది. అందుకే తన చెల్లెలు పూజా కన్నన్ కు దగ్గరుండి మరి వివాహం జరిపిస్తోంది. ఆమె ప్రేమించిన అబ్బాయి తోనే గత కొంతకాలం క్రితం నిశ్చితార్థం జరిపించిన సాయి పల్లవి, తాజాగా తన చెల్లెలు పెళ్లి వేడుకల్లో సంబరాలు చేసుకుంటుంది.
ముఖ్యంగా పూజా కన్నన్ మెహందీ ఫంక్షన్ కి సంబంధించిన ఫోటోలు, పెళ్లయిన తర్వాత ఫోటోలు, వీడియోలు చాలా వైరల్ గా మారుతున్నాయి. చెల్లికి స్వయంగా సాయి పల్లవి మెహందీ వేస్తూ.. పెళ్లిలో అన్ని పనులు చేస్తూ సాయి పల్లవి.. అలానే తన చెల్లెలు తీసుకున్న ఫోటోలు అందరినీ ఎంతగానో ఆకట్టుకుంటున్నాయి. ఇలా పూజా కన్నన్ కి సంబంధించిన పెళ్లి తంతు ఫోటోలు వైరల్ గా మారుతున్నాయి.
