Malavika Mohanan Latest Pics: మాళవిక మోహనన్ మలయాళీ భామ అయినా.. తెలుగులో తన డబ్బింగ్ సినిమాలతో పలకరించింది. టాలీవుడ్ సినీ ఇండస్ట్రీలో ఇపుడు బుల్లెట్‌లా దూసుకువస్తోన్న భామ. ఇపుడు చేతి నిండా సినిమాలతో ఫుల్ బిజీగా ఉంది. త్వరలో రెబల్ స్టార్ ప్రభాస్ హీరోగా మారుతి దర్శకత్వంలో తెరకెక్కుతోన్న 'ది రాజా సాబ్'లో హీరోయిన్‌గా టాలీవుడ్ ఎంట్రీ ఇవ్వబోతుంది. ఎప్పటికపుడు తనదైన డ్రెసింగ్ స్టైల్‌తో వార్తల్లో నిలుస్తోన్న ఈ భామకు 2024 కలిసొస్తుందా లేదా అనేది చూడాలి.
మాళవిక మోహనన్ విజయ్ హీరోగా నటించిన 'మాస్టర్' సినిమాతో ఓవర్ నైట్ స్టార్ హీరోయిన్ అయింది. అంతకు ముందు రెండు మూడు మలయాళల సినిమల్లో నటించినా రాని గుర్తింపు 'మాస్టర్' మూవీతో వచ్చింది.
2013లో మలయాళ మూవీ 'పట్టామ్ పోలే' మూవీతో కథానాయికగా ఎంట్రీ ఇచ్చింది. ఆ తర్వాత నిర్ణాయకం సినిమాలో తన యాక్టింగ్‌తో మెప్పించింది. అటు కన్నడ సినీ ఇండస్ట్రీలో కూడా తన లక్ పరీక్షించుకుంది. ఆపై 'బియాండ్ ది క్లౌడ్స్' మూవీలో నటించింది. ఈ సినిమాలో ఇషాన్ ఖట్టర్ హీరోగా నటించాడు.
'ది గ్రేట్ ఫాదర్' అనే మలయాళ మూవీ తర్వాత రజినీకాంత్ హీరోగా నటించిన 'పేట' మూవీతో తమిళంలో అడుగుపెట్టింది. ఈ సినిమాతో ఈమెకు మాస్‌లో మంచి గుర్తింపు వచ్చింది.
ఇప్పటి వరకు సౌత్ సినీ ఇండస్ట్రీలో కన్నడ, మలయాళం, తమిళంతో పాటు హిందీలో నటించిన ఈ భామ త్వరలో ప్రభాస్ టైటిల్ రోల్లో యాక్ట్ చేస్తోన్న 'ది రాజా సాబ్' మూవీతో తెలుగులో డైరెక్ట్ ఎంట్రీ ఇవ్వనుంది.
మరి ప్రభాస్, మారుతిల 'ది రాజా సాబ్' మూవీపై మాళవిక మోహనన్ భారీ ఆశలే పెట్టుకుంది. మరి ఈ మూవీ మాళవిక మోహనన్ కెరీర్‌ను బుల్లెట్‌లా తెలుగులో దూసుకుపోతుందా లేదా అనేది చూడాలి.
