Kiara-Siddarth:
మహేష్ బాబు భరత్ అనే నేను సినిమాతో తెలుగు ప్రేక్షకులను మెప్పించిన బాలీవుడ్ భామ కియారా అద్వానీ. ప్రస్తుతం ఈ హీరోయిన్ తన భర్తతో ఇచ్చిన ఫోజులు ఇంస్టాగ్రామ్ లో అభిమానులను తెగ ఆకట్టుకుంటున్నాయి.
2014 లో వచ్చిన హిందీ సినిమా ఫగ్లీ ద్వారా సినీ ప్రేక్షకులకు పరిచయమైన హీరోయిన్ కియారా అద్వానీ. ఎం.ఎస్.ధోని చిత్రంలో సాక్షి సింగ్ ధోని పాత్రలో కనిపించి మంచి పేరు తెచ్చుకునింది.
లస్ట్ స్టోరీస్ లో బోల్డ్ క్యారెక్టర్ చేసి అందరి దృష్టిని తన వైపు తిప్పుకునింది. కాగా మహేష్ బాబు సినిమా భరత్ అనే నేను తో తెలుగు ప్రేక్షకులను సైతం మెప్పించింది. తెలుగులో మొదటి చిత్రంతోనే సూపర్ హిట్ అందుకుంది ఈ హీరోయిన్.
కాగా తెలుగులో ఆ తర్వాత వచ్చిన వినయ విధేయ రామ చిత్రం మాత్రం ఈమెకు డిజాస్టర్ మిగిల్చింది. అప్పటినుంచి తెలుగులో పెద్దగా చాన్సులో రాకపోయినా హిందీలో వరసగా సినిమాలు చేస్తూ స్టార్ హీరోయిన్ గా ఎదిగింది.
ఈ మధ్యనే సత్య ప్రేమకి కథా సినిమాలో కనిపించి మంచి విజయం సాధించింది. ప్రస్తుతం రామ్ చరణ్ హీరోగా శంకర్ దర్శకత్వంలో రాబోతున్న గేమ్ చేంజర్ చిత్రంతో మరోసారి తెలుగు ప్రేక్షకులను పలకరించనుంది.
గత సంవత్సరం ఫిబ్రవరి నెలలో తన ప్రియుడు సిద్ధార్థ్ మల్హోత్రా ని పెళ్లి చేసుకున్న ఈ హీరోయిన్ ఇంస్టాగ్రామ్ లో షేర్ చేసే వీరిద్దరి ఫోటోలు అభిమానులను ఎప్పుడూ ఆకట్టుకుంటూ ఉంటాయి.
తాజాగా అనంత్ అంబానీ పెళ్లి సంబరాలకు హాజరైన వీరిద్దరూ.. స్టైలిష్ దుస్తుల్లో మెరిసిపోతూ కెమెరాకి ఇచ్చిన ఫోజులు ప్రస్తుతం అభిమానులను ఫిదా చేస్తున్నాయి.
