Bp - Weight Loss: ప్రతి రోజు చాలా మంది ఉదయం లేవగానే వివిధ రకాల జ్యూస్‌లు తాగుతూ ఉంటారు. అయితే ప్రతి రోజు సొరకాయ రసం తాగడం వల్ల శరీరానికి బోలెడు లాభాలు కలుగుతాయని ఆరోగ్య నిపుణులు తెలుపుతున్నారు. ఇందులో ఉండే కొన్ని మూలకాలు శరీర బరువును తగ్గించడమే కాకుండా కొలెస్ట్రాల్‌ను నియంత్రిస్తుంది.
సొరకాయ రసంలో 96% నీరు ఉంటుంది. ఇది శరీరాన్ని హైడ్రేట్‌గా ఉంచడానికి సహాయపడుతుందని ఆరోగ్య నిపుణులు తెలుపుతున్నారు.
సొరకాయ రసంలోని ఎంజైములు జీర్ణక్రియను మెరుగుపరచడానికి, మలబద్ధకాన్ని నివారించడానికి సహాయపడతాయి. దీంతో పాటు పొట్ట సమస్యలు కూడా దూరమవుతాయి.
సొరకాయ రసంలో కేలరీలు తక్కువగా, ఫైబర్ ఎక్కువగా ఉంటుంది. కాబట్టి దీనితో తయారు చేసిన రసాన్ని తాగితే సులభంగా బరువు తగ్గుతారు. అంతేకాకుండా ఆకలిని నియంత్రించి పొట్టను నిండుగా ఉంచుతుంది.
సొరకాయ రసంలో పొటాషియం అధికంగా ఉంటుంది. ఇది రక్తపోటును నియంత్రించడానికి ఎంతగానో సహాయపడుతుంది.
సొరకాయ రసంలో విటమిన్ సి, యాంటీఆక్సిడెంట్లు అధికంగా ఉంటాయి. ఇవి చర్మాన్ని ఆరోగ్యం చేసి అనేక సమస్యల నుంచి విముక్తి కలిగిస్తాయి.
సొరకాయ రసంలో విటమిన్ సి అధికంగా ఉంటుందని ఆరోగ్య నిపుణులు తెలుపుతున్నారు. ఇది రోగనిరోధక శక్తిని పెంచడానికి ఫ్లూ వంటి ఇన్ఫెక్షన్లను నివారించడానికి సహాయపడుతుంది.
సొరకాయ రసంలో పొటాషియం అధికంగా ఉంటుంది. ఇది మూత్రపిండాల పనితీరును మెరుగుపరచడానికి, మూత్రపిండాల రాళ్ళను నివారించడానికి సహాయపడుతుంది.
