Urvashi rautela: బాలీవుడ్ నటి..అందాల భామ ఊర్వశి రౌతేేలా ఇప్పుడే కాదు ఎప్పుడూ హాట్ టాపిక్‌గానే ఉంటుంది. గ్లామరస్ ఫోటోలతో..కాస్ట్ లీ డ్రెస్‌లతో..హై ఫీజుతో చర్చల్లోనే ఉంటుంది. ఆమెనే కాదు..ఆమె రేటు కూాడా హాట్‌గానే ఉంది.
సాధారణంగా నూతన సంవత్సర వేడుకల ఫంక్షన్లలో ప్రదర్శన ఇచ్చేందుకు సెలెబ్రిటీల్ని పిలిపిస్తుంటారు. ఇలాంటి ప్రోగ్రామ్స్‌కు సెలెబ్రిటీలు ఫీజు వసూలు చేస్తుంటారు. తాజాగా ఊర్వశి రౌతేలాను ఓ ఫంక్షన్‌కు పిలిచారు. మరి ఆమె అడిగిన ఫీజు కోట్లలో ఉందంటే నమ్ముతారా..
బాలీవుడ్ నటీనటులు ఇలాంటి ప్రోగ్రామ్స్‌కు సాధారణంగా అయితే 25 నుంచి 50 లక్షల వరకూ తీసుకుంటుంటారు. కానీ ఊర్వశి రౌతేలా ఫీజు మాత్రం దీనికి చాలా రెట్లు ఎక్కువగా ఉంది.
ఊర్వశి రౌతేలా పలాజో వర్సాచేలో ఏర్పాటు చేసిన ఒక న్యూ ఇయర్ వేడుకలో కన్పించనుంది. ఈ ఫంక్షన్‌లో ఆమె ఉండేది కేవలం 15 నిమిషాలే. తీసుకుంటున్న ఫీజు మాత్రం అక్షరాలా 4 కోట్ల రూపాయలు.
ఇంత పెద్ద మొత్తంలో ఫీజు..ఏ బాలీవుడ్ నటి లేదా నటుడు తీసుకోలేదు. కానీ ఊర్వశి ఫీజు గురించి తెలుసుకుని అందరూ స్టన్ అవుతున్నారు.
ఊర్వశి రౌతేలా...అద్భుతమైన డ్యాన్స్‌తో అందర్నీ ఆకట్టుకుంటుంది. అభిమానుల్ని ఫిదా చేస్తుంది. ఆమె గ్లామర్ బ్యూటీ కూడా కావడంతో ఎప్పుడూ ట్రెండింగ్‌లో ఉంటుంది.
