Alia Bhatt: నటిగా బాలీవుడ్ లో అడుగుపెట్టిన తొలినాళ్లలో స్టార్ హోదాను దక్కించుకుంది ఆలియా భట్. తాజాగా ఆమె నటించిన 'గంగూబాయ్ కతియవాడి' చిత్రం ఫిబ్రవరి 25న విడుదల కానుంది. ఈ క్రమంలో చిత్రబృందం ప్రమోషన్స్ ను మొదలెట్టేసింది. దాని కోసం ఆలియా భట్ మోడ్రన్ డ్రస్సులో మెరిసింది. అందుకు సంబంధించిన ఫొటోలను ఆమె సోషల్ మీడియాలో షేర్ చేసింది.
ఆలియా భట్.. 1993 మార్చి 15న ముంబయిలో జన్మించింది. 'స్టూడెంట్ ఆఫ్ ది ఇయర్' చిత్రంతో హీరోయిన్ గా వెండితెరకు పరిచయమైంది.
ఈ ఏడాది వరుస చిత్రాలలో థియేటర్లలో ఆలియా భట్ సందడి చేయనుంది. 'గంగూబాయ్ కతియావాడి' సినిమాతో ఈ నెల 25 ప్రేక్షకుల ముందుకు రానుంది.
ఇందులో ఆలియా భట్.. వేశ్య, లేడీ డాన్, రాజకీయ నాయకురాలి పాత్రల్లో కనువిందు చేయనుంది.
ఆలియా భట్ నటించిన ఆర్ఆర్ఆర్ సినిమా కూడా మార్చి 25న ప్రేక్షకుల ముందుకు రానుంది.
