బెంగళూరులో ఘోర అగ్నిప్రమాదం సంభవించింది. బెంగళూరులోని కైలాష్‌బార్‌లో సోమవారం ఉదయం తెల్లవారుఝామున అగ్నిప్రమాదం చోటుచేసుకుంది. ఈ బార్ అండ్ రెస్టారెంట్ వెజిటేబుల్ మార్కెట్లోని కుమ్బారా సంఘా బిల్డింగ్‌లో ఉన్నది. మృతులంతా బార్‌లో పనిచేసే కార్మికులుగా గుర్తించారు. వారు నిద్రిస్తున్న సమయంలో ఈ ప్రమాదం జరిగింది.
ప్రమాద ఘటనలో చనిపోయినవారిని స్వామి(23), ప్రసాద్ (20), మంజునాథ్(45), కీర్తి(25), మహేష్(35) గా గుర్తించారు. మృతదేహాలను పోస్టుమార్టం నిమిత్తం విక్టోరియా హాస్పిటల్‌కు తరలించారు. బెంగళూరు నగర పోలీస్ డిప్యూటీ కమిషనర్ మాట్లాడుతూ- బార్ పై కేసు నమోదు చేశామని తెలిపారు.
