విక్టరీ వెంకటేష్, వరుణ్ తేజ్ హీరోలుగా గతేడాది సంక్రాంతి సీజన్‌లో విడుదలైన మల్టీస్టారర్ F2 మూవీ ఎంత సూపర్ హిట్ అయ్యిందో అందరికీ తెలిసిందే. సరిలేరు నీకెవ్వరు కంటే ముందుగా అనిల్ రావిపూడి డైరెక్ట్ చేసిన ఈ సినిమాలో వెంకటేష్ సరసన తమన్నా భాటియా, వరుణ్ తేజ్ సరసన మెహ్రీన్ ఫిర్జాద జంటగా నటించారు. తోడల్లుళ్ల పాత్రలో వెంకీ, వరుణ్ తేజ్ పోషించిన పాత్రలు ఆడియెన్స్‌ని కడుపుబ్బా నవ్వించాయి. సినిమా చూస్తున్నంతసేపూ ఆడియెన్స్ ఏదో ఓ పాత్రతో కనెక్ట్ అయిపోయేలా అనిల్ రావిపూడి డైరెక్ట్ చేసిన విధానం ఆడియెన్స్‌ని ఆకట్టుకుంది. ఆడియెన్స్‌ని పొట్ట చెక్కలయ్యేలా నవ్వించిన ఈ సినిమాకు F3 సీక్వెల్ చేయడానికి అనిల్ రావిపూడి ప్లానింగ్ చేస్తున్నట్టు సమాచారం.
అయితే, F3 మూవీలో వెంకీ, వరుణ్ తేజ్‌లతో పాటు మరో హీరో కూడా ఎంట్రీ ఇవ్వనున్నట్టు తెలుస్తోంది. టాలీవుడ్ వర్గాల టాక్ ప్రకారం.. మాస్ మహారాజ రవితేజ ఈ సినిమాలో మూడో హీరోగా ఎంట్రీ ఇవ్వనున్నట్టు సమాచారం. సింగిల్‌గానే సింగిల్ మినిట్ గ్యాప్ లేకుండా నవ్వించే మాస్ మహారాజ ఈ ప్రాజెక్టులో పనిచేస్తే.. ముగ్గురు హీరోలు, హీరోయిన్స్ పండించే హాస్యం ఇంకే రేంజ్‌లో ఉంటుందోనని F2 ఫ్యాన్స్ అనుకుంటున్నారు. జీ హిందుస్తాన్ తెలుగు టీవీ లైవ్ లింక్ కోసం ఇక్కడ క్లిక్ చేయండి. Watch Zee Hindustan Telugu live here..
