பாகிஸ்தானில் 21 பெயர்கள், 3 முகவரிகளில் தாவூத் செயல்படுவதாக பிரிட்டன் தெரிவித்து உள்ளது.
மும்பை தொடர் குண்டுவெடிப்பு சம்பவத்திற்கு காரணமான உலக தாதா தாவூத் இப்ராஹிம் பாகிஸ்தானில் பதுங்கியுள்ளார்.
இந்தியாவால் தேடப்படும் தாவூத் பாகிஸ்தானில் பதுங்கியிருப்பதாக பல முறை ஆதாரத்துடன் கூறியும், பாகிஸ்தான் தங்கள் நாட்டில் இல்லை என மறுத்து வருகிறது.
இந்நிலையில் பிரிட்டன் நிதி அமைச்சகம், அறிக்கை ஒன்று வெளியிட்டுள்ளது. அதில் நிதி பெறுவதற்கு தடை விதிக்கப்பட்டவர்கள், அமைப்புகள் பட்டியலை வெளியிட்டுள்ளது.
அதில் தாவூத் குறித்த தகவல்கள் இடம் பெற்றுள்ளன. அப்பட்டியலில் தாவூத் பாகிஸ்தானில் 21 பெயர்களிலும், 3 முகவரிகளிலும் உள்ளதாகவும் தெரிவித்துள்ளது. அத்துடன் பெயர் பட்டியல்களையும், முகவரிகளையும் வெளியிட்டுள்ளது.
