Refurbished mobiles: சில சிறிய குறைபாடு காரணமாக விற்பனையாளரால் திரும்பப் பெறப்படுகின்றன. அவற்றை புதுப்பித்து, சந்தையில் வெளியிடுவார்கள். இந்த போன்களை வாங்குவது பாதுகாப்பானதா இல்லையா என்பதுதான் பலருக்கும் எழும் கேள்வியாக இருக்கிறது. தற்போது, புதுப்பிக்கப்பட்ட ஸ்மார்ட்போன்களின் போக்கு கணிசமாக அதிகரித்துள்ளது. பயனர்கள் குறைந்த பணத்தில் பிரீமியம் போன்களை வாங்குகின்றனர்.
இந்த பிரீமியம் போன்கள் எப்படி மலிவான விலைக்கு கிடைக்கின்றன? சில நேரங்களில் சில ஸ்மார்ட்போன் பயனர்கள் குறிப்பிட்ட நேரத்திற்குப் பிறகு தங்கள் தொலைபேசிகளை மாற்றுகிறார்கள். இந்த மொபைலை ஆன்லைனிலும் ஆஃப்லைனிலும் திரும்பப் பெறலாம். இதற்குப் பிறகு அவை பழுதுபார்க்கப்பட்டு மீண்டும் புதியது போல் செய்யப்படுகின்றன. இந்த வழியில் அவை சந்தையில் விற்கப்படுகின்றன, மேலும் இந்த போன்கள் மற்ற புதிய போன்களுடன் ஒப்பிடும்போது மிகவும் மலிவான விலையில் கிடைக்கின்றன.
எனவே, இன்றைய நாட்களில் கிட்டத்தட்ட ஒவ்வொரு பிரீமியம் ஸ்மார்ட்போன்கள், குறைவான விலையில் புதுப்பிக்கப்பட்டு சந்தையில் கிடைக்கின்றன. விலையுயர்ந்த போன்களை வாங்க முடியாத பயனர்களுக்கு, புதுப்பிக்கப்பட்ட ஸ்மார்ட்போன் வாங்குவதே சிறந்த வழி. ஆனால் பல சமயங்களில் மலிவான போன்கள் என்ற பெயரில் பயனாளிகள் ஏமாற்றப்படுகின்றனர்.
ஏமாற்றப்படும் வாடிக்கையாளர்களின் பணம் நஷ்டமாகிறது. எனவே, புதுப்பிக்கப்பட்ட ஸ்மார்ட்போனை (Refurbished mobiles) வாங்கும் முன் என்னென்ன விஷயங்களை மனதில் கொள்ள வேண்டும் என்பதை தெரிந்துக் கொள்வோம்.
மேலும் படிக்க | அசத்தும் BSNL.... சைலன்டாக 2 ப்ரீபெய்ட் திட்டங்கள் அறிமுகம், முழு விவரம் இதோ
போன் திருடப்பட்டது இல்லை என்பதை உறுதி செய்துக் கொள்ளவும்
புதுப்பிக்கப்பட்ட போன்கள் என்று சொல்லிக் கொண்டு, திருடப்பட்ட போன்களையும் சந்தையில் விற்கலாம். அப்படிப்பட்ட போன்களில் எதையும் நீங்கள் வாங்கவில்லை என்பதை உறுதிப்படுத்த, பெயர், ஸ்டோர், விலை போன்ற அனைத்துத் தேவையான தகவல்களுடன் ஃபோனின் அசல் விலைப்பட்டியலை கேட்கவும். இது தவிர, தொலைபேசியின் அசல் பெட்டியையும் கேட்க வேண்டும். இறுதியாக, *#06# ஐ டயல் செய்வதன் மூலம் IMEI எண்ணையும் சரிபார்க்கவும்.
தெரிந்தவர்களிடம் இருந்து வாங்கவும்
புதிய ஃபோன் அல்லது புதுப்பிக்கப்பட்ட மாடலாக இருந்தாலும், அமேசான் மற்றும் பிளிப்கார்ட் போன்ற பிரபலமான விற்பனையாளர்களிடமிருந்து மின்னணு பொருட்களை வாங்குவது நல்லது. நீங்கள் ஒரு கடையில் வாங்கினால், உங்களுக்குத் தெரிந்த ஒருவரிடமிருந்து வாங்க முயற்சிக்கவும். இது திருடப்பட்ட அல்லது தொலைந்த போன்களை வாங்காமல் இருக்க உதவுகிறது.
உத்தரவாதம்
புதிய மாடல்களைப் போலவே, புதுப்பிக்கப்பட்ட தொலைபேசிகளும் நிலையான உத்தரவாத அட்டையுடன் வருகின்றன. பெரும்பாலும், மக்கள் ஸ்மார்ட்போனை ஏதேனும் குறைபாடு காரணமாக விற்கிறார்கள், அத்தகைய சூழ்நிலையில் நிறுவனம் அல்லது விற்பனையாளர் ஸ்மார்போனை உடலை புதியது போல உருவாக்குகிறார்கள், இதனால் அது புதியதுபோல இருக்கும். எனவே, போனின் உத்தரவாதத்தை அவசியம் வாங்கவும்.
போலி தயாரிப்பு
புதுப்பிக்கப்பட்ட சந்தையில் பல போலி போன்களும் சேர்க்கப்பட்டுள்ளன. நீங்கள் போலி ஃபோனை வாங்கவில்லை என்பதை உறுதிப்படுத்த, எப்போதும் மொபைலின் செட்டிங்ஸ் மெனுவிற்குச் சென்று வன்பொருளைச் சரிபார்க்கவும். அதிலுள்ள விவரக்குறிப்பு விவரங்களைச் சரிபார்க்கவும். தொலைபேசியின் வன்பொருள் விவரங்களை வழங்கும் CPU-Z போன்ற பல பயன்பாடுகள் உள்ளன.
போர்ட் மற்றும் சென்சார்களை கவனமாக சரிபார்க்கவும்
பழைய புதுப்பிக்கப்பட்ட போனை வாங்கும் போது, போனின் ஒவ்வொரு போர்ட் மற்றும் சென்சார்களையும் கவனமாகச் சரிபார்க்க வேண்டும். இதன் மூலம் போனின் செயல்திறனை அறிந்து கொள்ளலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
