Best E Cars in India: அதிகரித்து வரும் பெட்ரோல்-டீசல் விலைகள் பற்றி அனைவரும் கவலையில் உள்ளனர். இந்த விலை ஏற்றத்தை எப்படி சமாளிப்பது என நீங்கள் எண்ணினால், உங்கள் காரை மாற்ற வேண்டிய நேரம் வந்து விட்டது என்பதை புரிந்துகொள்ளுங்கள்.
E-Cars என்றழைக்கப்படும் மின்சார கார்கள் உங்களுக்கு ஒரு நல்ல மாற்றாக அமையும். இவற்றில் உள்ள மிகச் சிறந்த விஷயம் என்னவென்றால், சிக்கனமாக இருப்பதோடு, இவை பல சிறந்த அம்சங்களைக் கொண்டுள்ளன. இந்தியாவின் மிகச்சிறந்த ஐந்து மின்சார கார்களின் (E Cars) பட்டியலை இங்கே காணலாம்.
MG ZS EV
கார் தயாரிப்பு நிறுவனமான மோரிஸ் கேரேஜஸ் சில மாதங்களுக்கு முன்பு MG ZS EV என்ற மின்சார காரை இந்தியாவில் அறிமுகப்படுத்தியுள்ளது. இந்த காரில் 44.5 கிலோவாட் பேட்டரி உள்ளது. ஒரு முறை முழுமையாக சார்ஜ் செய்தால், இந்த கார் 419 கி.மீ. செல்லும் என நிறுவனம் கூறுகிறது. இந்த காரின் எக்ஸ்-ஷோரூம் விலை 20.99 லட்சம் - 24.88 லட்சம் ஆகும்.
டாடா நெக்ஸன் இ.வி.
டாடா மோட்டார்ஸ் (Tata Motors) எலக்ட்ரிக் கார் பிரிவையும் கொண்டு வந்துள்ளது. டாடாவின் புதிய நெக்ஸன் இ.வி இந்த நாட்களில் செய்திகளில் உள்ளது. இந்த காரின் பேட்டரி 30.2 கிலோவாட் ஆகும். ஒரு முறை சார்ஜ் செய்தால், இந்த கார் 312 கி.மீ. செல்லும். இந்த காரின் எக்ஸ்-ஷோரூம் விலை 13.99 லட்சம் முதல் 16.40 லட்சம் வரை உள்ளது.
டாடா டைகர் இ.வி.
டாடா டைகரின் மின்சார பதிப்பும் இந்த நாட்களில் மிகவும் பிரபலமாகி வருகிறது. இந்த கார் வெறும் 2 மணி நேரத்தில் முழு சார்ஜ் ஆகிறது. இந்த காரில் 21.5 கிலோவாட் பேட்டரி கிடைக்கிறது. இந்த காரை ஒருமுறை முழு சார்ஜ் செய்தால், 213 கி.மீ. வரை செல்லும். இந்த காரின் எக்ஸ்-ஷோரூம் விலை ரூ .9.58 லட்சம் முதல் ரூ .9.90 லட்சம் வரை உள்ளது.
ஹூண்டாய் கோனா எலக்ட்ரிக்
கொரிய மோட்டார் நிறுவனமான ஹூண்டாய் சமீபத்தில் ஒரு இ-காரையும் அறிமுகப்படுத்தியது. ஒரு முறை முழு சார்ஜ் செய்தவுடன் இந்த கார் 452 கிமீ வரை செல்லும் என நிறுவனம் கூறுகிறது. இந்த காரின் எக்ஸ்-ஷோரூம் விலையை ரூ 23.75 லட்சம் முதல் ரூ 23.94 லட்சம் வரை நிறுவனம் நிர்ணயித்துள்ளது.
மஹிந்திரா இ வெரிட்டோ
எலக்ட்ரிக் கார் பிரிவிலும் மஹிந்திரா (Mahindra) நுழைந்துள்ளது. நிறுவனம் மஹிந்திரா இ வெரிட்டோ என்ற பட்ஜெட் மின்சார காரை அறிமுகப்படுத்தியுள்ளது. இந்த காரின் எக்ஸ்-ஷோரூம் விலை ரூ .10.15 லட்சம் முதல் ரூ .10.49 லட்சம் வரை வைக்கப்பட்டுள்ளது. மஹிந்திரா இ வெரிட்டோ, ஒரு முறை முழுமையாக சார்ஜ் செய்யப்பட்டால், 110 கி.மீ. வரை செல்லும். இந்த காரில் 288ah லித்தியம் அயன் பேட்டரி உள்ளது.
ALSO READ: அறிமுகமானது நாட்டின் fastest Electric Bike: அம்சங்கள், விலை மற்றும் பிற விவரங்கள் இதோ
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
