Cheapest Electric Car: பெட்ரோல் மற்றும் டீசல் விலைகள் அதிகரித்து வரும் நிலையில், வாகன உற்பத்தியாளர்கள் இப்போது மின்சார வாகனங்களின் பக்கம் தங்கள் கவனத்தை திருப்பி வருகின்றனர். பல நிறுவனங்கள் பல புதிய மின்சார மாடல்களை அறிமுகப்படுத்துவதில் ஈடுபட்டுள்ளனர்.
நாட்டின் முன்னணி வாகன தயாரிப்பு நிறுவனமான டாடா மோட்டார்ஸ் (Tata Motors) தனது பிரபலமான பிரீமியம் ஹேட்ச்பேக் கார் டாடா ஆல்ட்ரோஸின் புதிய மின்சார பதிப்பில் வேகமாக செயல்பட்டு வருகிறது. ஆல்ஃபா இயங்குதளத்தில் உருவாக்கப்பட்ட நிறுவனத்தின் முதல் கார் இதுவாக இருக்கும் என்பது கவனிக்கத்தக்கது. இந்த காரின் சிறப்பம்சங்களைப் பற்றி இங்கே காணலாம்.
Altroz EV-யில் மின்சார பவர்டிரெய்ன்
டாடா மோட்டார்ஸ் ஆல்ட்ரோஸ் மின்சார வாகனத்தில் (Electric Vehicle) ஜிப்டிரான் மின்சார பவர் ட்ரெயினைப் பயன்படுத்தும். ஆனால் மிகவும் சுவாரஸ்யமான விஷயம் என்னவென்றால், காருக்கு கூடுதல் பேட்டரி பேக் ஆப்ஷன் கிடைக்க வாய்ப்புள்ளது. இந்த பெரிய பேட்டரி பேக் 25 முதல் 40% அதிக ஓட்டுநர் வரம்பை வழங்குகிறது. இது சுமார் 500 கி.மீ.க்கு சமமாக இருக்கும் என்று ஊடக அறிக்கைகளில் கூறப்படுகிறது.
ஒரே சார்ஜில் 500 கி.மீ.
அறிக்கைகளின் படி, இந்த கார் ஒரே சார்ஜில் 500 கி.மீ வரை பயணிக்கும். மின்சார வாகன ஒப்பீடுகளின் படி பார்த்தால், அல்ட்ரோஸ் எலக்ட்ரிக் நெக்ஸன், பெரிய பேட்டரி பேக் உடன் வரும் என்பதால், இதை சார்ஜ் செய்ய அதிக நேரம் எடுக்கும் என்று எதிர்பார்க்கப்படுகிறது. இது குறித்து நிறுவனம் இதுவரை எந்த தகவலும் பகிரவில்லை. ஓட்டுநர் வரம்பின் இந்த புள்ளிவிவரங்கள் முற்றிலும் ஊடக அறிக்கைகளை அடிப்படையாகக் கொண்டவை.
ALSO READ: Suzuki Electric Car: மின்சார வாகன சந்தையில் நுழைகிறது சுசுகி, முழு விவரம் இதோ
எலக்ட்ரிக் மோட்டார் 127 பிஹெச்பி பவர் ஜெனரேட்டர்
தற்போது, டாடா மோட்டார்ஸ் தனது நெக்ஸன் எலக்ட்ரிக்கில் 30.2 கிலோவாட் திறன் கொண்ட பேட்டரியைப் பயன்படுத்தியுள்ளது. இந்த எஸ்யூவியின் மின்சார மோட்டார் 127 பிஹெச்பி ஆற்றலை உருவாக்குகிறது. இந்த எஸ்யூவி ஒரு சார்ஜில் 312 கி.மீ வரையிலான ஓட்டுநர் வரம்பை வழங்குகிறது. அதன்படி பார்த்தால், ஆல்ட்ரோஸ் எலக்ட்ரிக் 25 முதல் 40% அதிக ஓட்டுநர் வரம்பை அளிக்கும் என கூறப்படுகின்றது. இதன்படி, இந்த கார் 500 கி.மீ ஓட்டுநர் வரம்பை எட்டக்கூடும்.
FAME II திட்டத்தின் பலனும் கிடைக்கும்
Tata Altroz எலக்ட்ரிக் மத்திய அரசு செயல்படுத்தும் புதிய FAME II திட்டத்தால் பயனடையும். இந்த திட்டத்தின் தாக்கம் காரின் விலையில் தெளிவாகத் தெரியும் என்று நம்பப்படுகிறது. அறிமுகம் செய்யப்படுவதற்கு முன்பு இந்த காரின் விலை குறித்து எதுவும் சொல்வது கடினம் என்றாலும், இதை ரூ .10 முதல் 12 லட்சம் வரையிலான விலை வரம்பில் நிறுவனம் அறிமுகப்படுத்தக்கூடும் என்று நிபுணர்கள் நம்புகின்றனர்.
ALSO READ: Tata Cheapest SUV: தீபாவளி ரிலீசாக மலிவு விலையில் பட்டையைக் கிளப்ப வருகிறது Tata HBX
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
