தமிழ்நாட்டில் முதல் COVID-19 தொற்று பதிவாகி கிட்டத்தட்ட 55 நாட்களுக்குப் பிறகு, மாநிலத்தின் ஒரே பசுமை மண்டல மாவட்டமான கிருஷ்ணகிரி தனது முதல் கொரோனா தொற்றை சனிக்கிழமை பதிவு செய்துள்ளது.
ஆந்திராவின் புட்டபர்த்தியில் இருந்து திரும்பிய வேப்பனஹள்ளியைச் சேர்ந்த 67 வயது நபர் ஒருவருக்கு கொரோனா தொற்றுக்கு பாதித்துள்ள நிலையில், தமிழகத்தின் பசுமை மண்டல மாவட்டம் தற்போது ஆரஞ்சு மண்டத்திற்கு இடம்பெயர்ந்துள்ளது.
இதை உறுதிப்படுத்திய கிருஷ்ணகிரி மாவட்ட ஆட்சியர் எஸ். பிரபாகர்., "பாதிக்கப்பட்ட நபர் தனது நான்கு நண்பர்களுடன் வேப்பனஹள்ளியில் இருந்து ஆந்திராவின் புட்டபர்த்திக்கு சென்றதாகவும், பின்னர் கடந்த ஏப்ரல் 25-ஆம் தேதி மாநிலத்திற்கு திரும்பியதாகவும் தெரிவித்துள்ளார். மேலும் சொந்த இடத்திற்கு திரும்பிய அவர்களுக்கு திரையிடல் நடத்தப்பட்டதாகவும், பின்னர் வீட்டு தனிமைப்படுத்துதலில் இருக்க அறிவுறுத்தப்பட்டதாகவும் தெரிவித்துள்ளார். இதனிடையே அவர்களிடன் இருந்து கடந்த ஏப்ரல் 29-ஆம் தேதி மாதிரிகள் எடுக்கப்பட்டதாகவும் அவர் தெரிவித்துள்ளார்.
சுகாதார சேவைகளின் துணை இயக்குநர் வி கோவிந்தன் இதுகுறித்து கூறுகையில், குறிப்பிட்ட நபர் கொரோனா பாதிப்புக்கு ஆளான நிலையில் அவரது குடும்பத்தாரிடன் (8 பேர்) இருந்து எடுக்கப்பட்ட மாதிரிகள் வெள்ளிக்கிழமை இரவு ஓசூருக்கு அனுப்பி வைக்கப்பட்டதாகவும் தெரிவித்தார்.
பாதிக்கப்பட்ட நபர்களுடன் சென்ற மற்ற நான்கு உறுப்பினர்களில், மூன்று பேர் கிருஷ்ணகிரி நகரத்தைச் சேர்ந்தவர்கள், ஒருவர் காவேரிபட்டினத்தைச் சேர்ந்தவர். இப்போது, இந்த மூன்று பகுதிகளும் கட்டுப்பாட்டு மண்டலத்தின் கீழ் கொண்டுவரப்பட்டுள்ளன. மேலும் இப்பகுதிகள் இப்போது சீல் வைக்கப்பட்டு கிருமி நீக்கம் செய்யப்பட்டு வருகிறது.
தகவல்கள் படி இந்த ஐந்து பேர் கொண்ட குழு புட்டபர்த்தியில் உள்ள அதிகாரிகளிடமிருந்து வாகன பாஸ் பெற்று ஆந்திராவிலிருந்து கிருஷ்ணகிரிக்கு திரும்பியது. 21 நாள் தேசிய பூட்டுதல் பிரதமரால் அறிவிக்கப்படுவதற்கு முன்னர் அவர்கள் தங்கள் யாத்திரை தொடங்கினர் என தகவல்கள் தெரிவிக்கிறது.. இருப்பினும், மற்ற நான்கு உறுப்பினர்கள் எதிர்மறையை சோதித்தனர்.
