உலகம் முழுவதும் பரவியுள்ள கொரோனா வைரஸ் பற்றி சமூக ஊடகங்களில் நிறைய கூற்றுகள் வெளியாகி வருகிறது. இந்நிலையில் ஒடிசாவின் ராயகடாவை சேர்ந்த நபர் ஒருவர், கொரோனா வைரஸ் குறித்து சமூக ஊடகங்களில் போலி செய்திகளை வெளியிட்டதற்காக கைது செய்யப்பட்டுள்ளார்.
சத்தியநாராயண சமல் (32 வயது) என அடையாளம் காணப்பட்ட அவர், கொரோனா வைரஸ் தொற்றுள்ள ஒருவர் மாவட்ட மருத்துவமனையில் அனுமதிக்கப்பட்டுள்ளதாக தனது பேஸ்புக்கில் பதிவிட்டுள்ளார். இந்த செய்தியை கண்டு பொதுமக்கள் அச்சத்தில் ஆழ்ந்துள்ளனர். இதனையடுத்து இந்த விவகாரம் குறித்து விசாரித்த காவல்துறையினர், சமல் பதிவிட்டது போலி செய்தி என கண்டறிந்துள்ளனர். இதனையடுத்து சமலை காவல்துறையினர் கைது செய்துள்ளனர்.
குற்றம் சாட்டப்பட்டவர் மீது 153A, 504, 507 மற்றும் 505 (1) (B) பிரிவுகளின் கீழ் வழக்கு பதிவு செய்யப்பட்டுள்ளது. கொரோனா வைரஸ் பரவலைக் கையாள்வதற்கு பொது அதிகாரிகளுக்கு போதுமான அதிகாரம் அளிப்பதற்காக, ஒடிசா அரசு 2005-ஆம் ஆண்டு பேரிடர் மேலாண்மைச் சட்டத்தின் விதிகளின் கீழ் COVID-19 ஐ ஒரு 'பேரழிவு' என்று அறிவித்துள்ளது. இதன் அடிப்படையில் கொரோனா குறித்து தவறான செய்திகள் பரப்புவர்கள் மீது சட்டபூர்வ நடவடிக்கை எடுக்க மாநில அரசு முடிவுசெய்துள்ளது.
மேலும் மாநிலத்தில் கொரோனா பரவலை தடுக்க கருத்தரங்குகள், பட்டறைகள், மாநாடுகள் போன்ற அனைத்து அத்தியாவசிய உத்தியோகபூர்வ விழாக்களும் ரத்து செய்யப்பட்டுள்ளதாக முதல்வர் நவீன் பட்நாயக் அறிவித்துள்ளார்.
சமூக விழாக்கள் மற்றும் கூட்டங்கள், திருமண வரவேற்புகள் மற்றும் கட்சிகள் போன்ற மத செயல்பாடுகள் உள்ளூர் அதிகாரிகளால் கட்டுப்படுத்தப்படும் என தெரிவித்துள்ளார். மேலும் மார்ச் 31 வரை மாநிலத்தில் திரைப்படங்கள், நீச்சல் குளங்கள் மற்றும் ஜிம் போன்றவை அடைக்கப்படும் என உத்தரவு பிறப்பிக்கப்பட்டுள்ளது.
