Tamil Nadu Lok Sabha Election Result: வேலூர் மக்களவைத் தொகுதியில் இந்த முறை நடிகரும் இயக்குனருமான மன்சூர் அலி கான் சுயேட்சையாக போட்டியிட்டார். அவர் வாங்கியுள்ள வாக்குகள் பற்றி பார்ப்போம்.
தமிழகத்தில் முக்கியமான ஒரு தொகுதியாக வேலூர் உள்ளது. கடந்த 2019 தேர்தலில் திமுக சார்பில் கதிர் ஆனந்த் 4,85,340 வாக்குகள் பெற்று வெற்றி பெற்றார்.
இந்த முறையும் அவர் அதே தொகுதியில் போட்டியிட்டுள்ளார். அவரை எதிர்த்து பாஜக சார்பில் ஏசி சண்முகம், அதிமுக சார்பில் பசுபதி, சுயேட்சையாக மன்சூர் அலி கான் ஆகியோர் போட்டியிட்டுள்ளனர்.
தற்போது வாக்குகள் எண்ணப்பட்டு வரும் நிலையில் திமுகவின் கதிர் ஆனந்த் 12000 வாக்குகள் பெற்று முன்னிலையில் உள்ளார்.
அவரை எதிர்த்து போட்டியிட்ட ஏசி சண்முகம் 5000 வாக்குகள் மட்டுமே பெற்றுள்ளார். மேலும் மன்சூர் அலி கான் வெறும் 55 வாக்குகள் மட்டுமே பெற்றுள்ளார்.
வேலூர் பகுதிகளில் தீவிர பிரச்சாரத்தில் ஈடுபட்டு வந்தார் மன்சூர் அலி கான். ஆனால் இரண்டு சுற்றுகள் முடிவில் வெறும் 55 வாக்குகள் மட்டுமே பெற்று மிகவும் பின்னடைவை சந்தித்துள்ளார்.
